କୋଟିଆରେ ବିକାଶର ମିଛ ଦର୍ପଣ ଦେଖାଉଛନ୍ତି ସରକାର!

<p>କୋରାପୁଟ (ଟି.ଗୌରୀଶଙ୍କର): ପୁଣି ଚର୍ଚ୍ଚାରେ ଆନ୍ଧ୍ର-ଓଡ଼ିଶା ସୀମାନ୍ତ କୋରାପୁଟ ଜିଲ୍ଲାର କୋଟିଆ ପଞ୍ଚାୟତ। କିଛି ଦିନର ନିରବତା ପରେ ଆନ୍ଧ୍ର ପ୍ରଶାସନ ପୁଣି ସେଠି ଆରମ୍ଭ କଲାଣି ଉନ୍ନୟନମୂଳକ କାମ। ତେଣେ କିନ୍ତୁ ଓଡ଼ିଶା ସରକାରଙ୍କ ଘୋଷଣା ମୁତାବକ ୧୫୦ କୋଟି ଟଙ୍କାର ଉନ୍ନୟନମୂଳକ କାମରୁ ଗୋଟିଏ ବି ଆରମ୍ଭ ହୋଇନି। ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।</p> <p>&lt;a href=&quot;&quot;&gt;(image) &lt;/a&gt;କୋଟିଆକୁ ନେଇ କେତେ ବିବାଦ, କେତେ ପ୍ରତିଶ୍ରୁତି। ଆନ୍ଧ୍ରର ଦାଦାଗିରି ପରେ ୬ମାସ ତଳେ ବିକାଶର ପ୍ରତିଶ୍ରୁତିରେ କୋଟିଆବାସୀଙ୍କୁ ପୋତି ପକାଇଥିଲେ ଓଡ଼ିଶା ସରକାର। ଏଥିରୁ କେତେ ପୂରଣ କରିଛନ୍ତି ଜାଣିବାକୁ ଗ୍ରାଉଣ୍ଡ ଜିରୋରେ ପହଞ୍ଚିଥିଲା ଓଡ଼ିଶା ରିପୋର୍ଟର। ଅଙ୍କାବଙ୍କା ରାସ୍ତା ଯେମିତି ମରଣଯନ୍ତା ଭଳି ରହିଛି। ଯେଉଁଆଡ଼େ ପିଚୁ ରାସ୍ତା ଅଛି, ସେଠି ବି ପର୍ଯ୍ୟାପ୍ତ ବସ୍ ସୁବିଧା ନଥିବାରୁ ପୂର୍ବଭଳି ଜୀବନକୁ ବାଜି ଲଗାଇ ଚାଲିଛି ବିପଦପୂର୍ଣ୍ଣ ଯାତ୍ରା। ସଦର ମହକୁମାରେ ଯେଉଁ ଆଶ୍ରମ ବିଦ୍ୟାଳୟ ଅଛି, ବହୁବିଧ ସମସ୍ୟାରେ ଚାଲିଛି। ଯେଉଁଠି ପାଠପଢ଼ା ସେଇଠି ରହଣୀ। ୪୦ ସିଟ୍ ବିଶିଷ୍ଟ ଛାତ୍ରୀ ହଷ୍ଟେଲରେ ରହୁଛନ୍ତି ଶହେରୁ ଅଧିକ ପିଲା। ପିଇବା ପାଣି ଓ ଆଲୋକୀକରଣ ସୁବିଧା କିଛି ବି ଆଗେଇନି। ସରକାରୀ ଅଫିସର ଓ ଲୋକ ପ୍ରତିନିଧି ଆସି ଦେଖି ଚାଲି ଯାଉଛନ୍ତି।</p> <p>&lt;a href=&quot;http://odishareporter.in/wp-content/uploads/2018/07/kotia-panchayat-situation11.jpg&quot;&gt;(image) &lt;/a&gt;ଦୀର୍ଘ ଦିନ ଧରି ଦୃଷ୍ଟି ଆଢୁଆଳରେ ରହିଥିବା ବିବାଦୀୟ କୋଟିଆ ପଞ୍ଚାୟତରେ ଗତ ଜାନୁଆରୀରେ ଆନ୍ଧ୍ର ପ୍ରଶାସନ ଲୋକଙ୍କୁ ଆକୃଷ୍ଟ କରିବାକୁ ବାଣ୍ଟିଥିଲା ଭତ୍ତା, କମ୍ବଳ ଓ ଅନ୍ୟାନ୍ୟ ଆନୁଷଙ୍ଗିକ ଜିନିଷ। ଏମିତିକି ବହୁ ଲୋକଙ୍କୁ ଭୋଟର କାର୍ଡ ମଧ୍ୟ ଦେଇଥିଲା। ଏସବୁ ଜଣାପଡିବା ପରେ ତେଜିଥିଲା ରାଜନୀତି। ତତ୍ପର ହୋଇଥିଲେ ରାଜ୍ୟ ସରକାର। କୋଟିଆର ସ୍ୱତନ୍ତ୍ର ବିକାଶ ପାଇଁ ଘୋଷଣା ହୋଇଥିଲା ୧୫୦ କୋଟିର ଯୋଜନା। ହେଲେ ସେଥିରୁ ଆଜିଯାଏଁ ଗୋଟିଏ ବି ପ୍ରକଳ୍ପ କାର୍ଯ୍ୟ ଆରମ୍ଭ ହୋଇପାରିନି। ତେଣେ କିଛି ମାସର ନିରବତା ପରେ ଆନ୍ଧ୍ର ପୁଣି ସିନେରୀ, ପଟୁସେନେରି ଓ ତଳଗଞ୍ଜେଇ ପଦରରେ ରାସ୍ତା ସହ ଅନେକ ଉନ୍ନୟନ ମୂଳକ କାମ ଆରମ୍ଭ କଲାଣି। ଯାହାକୁ ନେଇ ପୁଣି ଆରମ୍ଭ ହୋଇଯାଇଛି ରାଜନୈତିକ ଆରୋପ ପ୍ରତ୍ୟାରୋପ।</p> <p>https://youtu.be/ln8Fnq2bd0U</p>