ପ୍ରବାସୀ ଭାରତୀୟଙ୍କଠାରୁ ଲୁଟ୍‌ ପଛରେ ଲେଡି ଲୁଟେରା

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱର ବିମାନ ବନ୍ଦରରେ ଘାନାରୁ ଆସିଥିବା ପ୍ରବାସୀ ଭାରତୀୟ ନିରଜ ଚନ୍ଦନଙ୍କ ଠାରୁ ଲୁଟ୍&zwnj; ଘଟଣା ପଛରେ ରହିଛି ଲେଡି ଲୁଟେରାଙ୍କ ହାତ। ସିସିଟିଭି ଫୁଟେଜ ଯାଞ୍ଚ ବେଳେ ଲେଡି ଲୁଟେରାର ଭୂମିକା ସନ୍ଦେହ ଘେରରେ ରହିଥିବା ଜଣାପଡିଛି। ନିରଜଙ୍କ ଅନ୍ୟ ମନସ୍କତାର ସୁଯୋଗ ନେଇ ଲେଡି ଲୁଟେରା ହ୍ୟାଣ୍ଡ ବ୍ୟାଗ ଲୁଟ୍&zwnj; କରିଥିବା ଖୋଳତାଡ଼ରୁ ଜଣାପଡିଛି।</p> <p>ଲୁଟ୍&zwnj; ପୂର୍ବରୁ ଜଣେ ଯୁବକଙ୍କ ସହ ଏୟାରପୋର୍ଟର ପ୍ରସ୍ଥାନ ଗେଟ୍&zwnj;ରେ ସେ ସନ୍ଦେହଜନକ ଭାବେ ବୁଲୁଥିଲେ। ନିରଜ ବାହାରିବା ପରେ ଲେଡି ଲୁଟେରା ବ୍ୟାଗ ଲୁଟ୍&zwnj; କରିଥିଲେ। ତେବେ ଲୁଟ୍&zwnj; ପରେ ମହିଳାଙ୍କ ପାଇଁ ଚାଲୁଥିବା ପିଙ୍କ ଅଟୋରେ ସେ ପଳାଇଥିବା ସିସିଟିଭି ଫୁଟେଜରୁ ଜଣାପଡିଛି। ପୋଲିସ ଏୟାରପୋର୍ଟ ଅଞ୍ଚଳରେ ଅପରେଟ କରୁଥିବା ଅଟୋ ଚାଳକଙ୍କୁ ଡାକି ପଚରାଉଚରା କରିଥିବାବେଳେ, ସେହିଦିନ ଉକ୍ତ ଲେଡି ଲୁଟେରାଙ୍କୁ କିଏ ଅଟୋରେ ନେଇଥିଲା ତା&rsquo;ର ଖୋଲତାଡ ଜାରି ରଖିଛି। ଅଟୋ ଚାଳକଙ୍କୁ ଠାବ କରିବା ସହ ତା&rsquo;ଠାରୁ ସୂଚନା ମିଲିଲେ ପୋଲିସ ଲେଡି ଲୁଟେରାଙ୍କ ପାଖରେ ପହଞ୍ଚିପାରିବ ବୋଲି ଆଶା ରଖିଛି।</p> <p>ଗତ ୨ତାରିଖରେ ନିରଜ ପରିବାର ସହ ପୁରୀ ବୁଲିବାକୁ ଆସିଥିବାବେଳେ ଭୁବନେଶ୍ୱର ଏୟାରପୋର୍ଟରେ ତାଙ୍କ ଜିନିଷ ପତ୍ର ଲୁଟ୍&zwnj; ହୋଇଥିଲା।</p>