ଶିକ୍ଷା ସହାୟକ ଆଶାୟୀଙ୍କୁ ଗୋଡ଼ାଇ ଗୋଡ଼ାଇ ପିଟିଲା ପୋଲିସ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱର ଲୋୟର ପିଏମ୍&zwnj;ଜି ପାଲଟିଲା ରଣକ୍ଷେତ୍ର। ଆନ୍ଦୋଳନରତ ଶିକ୍ଷା ସହାୟକ ଚାକିରି ଆଶାୟୀଙ୍କୁ ପୋଲିସ ଗୋଡ଼ାଇ ଗୋଡ଼ାଇ ପିଟିଲା। ଅନ୍ୟପକ୍ଷରେ ଆନ୍ଦୋଳନକାରୀଙ୍କ ଢେଲା ମାଡ଼ରେ କ୍ୟାପିଟାଲ ଥାନା ଆଇଆଇସି ମାନସ ଗଡ଼ନାୟକ ଆହତ ହୋଇଛନ୍ତି।</p> <p>ରାଜ୍ୟର ପ୍ରାୟ ୨୫ ହଜାରରୁ ଅଧିକ ତାଲିମ ପ୍ରାପ୍ତ ବେକାରୀ ସିଟି ଓ ବିଏଡ୍ ଡିଗ୍ରୀ ଧାରୀ ଯୁବକ ଓ ଯୁବତୀଙ୍କୁ ଶିକ୍ଷା ସହାୟକ ପଦବୀରେ ନିଯୁକ୍ତି ପାଇଁ ଆନ୍ଦୋଳନ ଚାଲିଥିଲା। ଏପରିକି ଶିକ୍ଷା ସହାୟକ ଆଶାୟୀ ସଂଘର ଏକ ପ୍ରତିନିଧି ଦଳ ଗଣଶିକ୍ଷା ମନ୍ତ୍ରୀ ବଦ୍ରିନାରାଣ ପାତ୍ରଙ୍କୁ ଭେଟିବାକୁ ବାହାରୁଥିବା ବେଳେ ହଠାତ୍ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା। ପୋଲିସ ଉପରେ ଆକ୍ରମଣ ହେବାରୁ ଆନ୍ଦୋଳନକାରୀଙ୍କୁ ଲାଠି ମାଡ଼ କରି ଘଉଡ଼ାଇ ଦେଇଥିଲା। ଏପରିକି ୨୦ରୁ ଅଧିକ ଆନ୍ଦୋଳନକାରୀଙ୍କୁ ଗିରଫ କରାଯାଇଛି।</p> <p>ଗଣଶିକ୍ଷା ମନ୍ତ୍ରୀ ବଦ୍ରି ପାତ୍ର କହିଛନ୍ତି-&ldquo;କୋର୍ଟରେ ମାମଲା ବିଚାରାଧୀନ ଥିବାରୁ ସେମାନଙ୍କ ନିଯୁକ୍ତି ପ୍ରକ୍ରିୟାରେ ବିଳମ୍ବ ହୋଇଛି। ପୁଣି ଥରେ ଆବେଦନ କଲେ ସଂଘର ଦାବି ଉପରେ ବିଚାର କରାଯିବ।&rdquo;</p>