ଉପକାରାଗାର ଫେରାଇ ଆଣିବା ଦାବିରେ ୮ ଘଣ୍ଟିଆ ଆଠଗଡ଼ ବନ୍ଦ

<p>ଆଠଗଡ଼: ଆଠଗଡ଼କୁ ଉପକାରାଗାର ଫେରାଇ ଆଣିବା ଦାବିରେ ଓକିଲ ସଂଘ ପକ୍ଷରୁ ୮ ଘଣ୍ଟିଆ ବନ୍ଦ ଡାକରା ଦିଆଯାଇଛି। ଫଳରେ ଅଞ୍ଚଳରେ ଗାଡି ଚଳାଚଳ ବାଧାପ୍ରାପ୍ତ ହୋଇଛି। ଦୋକାନ ବଜାର ବନ୍ଦ ରହିଥିବାରୁ ଲୋକେ ନାହିଁ ନଥିବା ସମସ୍ୟାର ସମ୍ମୁଖୀନ ହେଉଛନ୍ତି। ବନ୍ଦରେ ଅଞ୍ଚଳର ସମସ୍ତ ଅନୁଷ୍ଠାନ ଓ ବ୍ୟବସାୟୀକ ପ୍ରତିଷ୍ଠାନ ସାମିଲ ହୋଇଛନ୍ତି।</p> <p>୨ବର୍ଷ ପୂର୍ବେ ଆଠଗଡ଼ ଉପକାରାଗାରର ମରାମତି ପାଇଁ ସମସ୍ତ କଏଦୀଙ୍କୁ ଚୌଦ୍ୱାର ସର୍କଲ ଜେଲ୍&zwnj;କୁ ସ୍ଥାନାନ୍ତର କରାଯାଇଥିଲା। ଏହାର ମରାମତି କାମ ଶେଷ ହୋଇଛି। ହେଲେ ଏହାକୁ ପୁନଃ କାର୍ଯ୍ୟକ୍ଷମ କରାଯାଉ ନଥିବାରୁ ଓକିଲ ସଂଘ ଏହି ବନ୍ଦ ଡାକରା ଦେଇଛି।</p>