ଚର୍ଚ୍ଚାରେ ତହସିଲଦାରଙ୍କ ଭାଷା ଜ୍ଞାନ: ଦେଖନ୍ତୁ ଭିଡିଓ

<p>ନୀଳଗିରି (ବିଶ୍ୱମ୍ୱର ଦାସ): ବାହାବା ନେବାକୁ ସ୍କୁଲରେ ଛାତ୍ରଛାତ୍ରୀଙ୍କୁ ପାଠ ପଢ଼ାଇଲେ ନୀଳଗିରି ତହସିଲଦାର। ହେଲେ ଠିକ୍ ସନ୍ଧି ବିଚ୍ଛେଦକୁ ଭୁଲ ଦର୍ଶାଇ ଭାଣ୍ଡିଆ ହେଲେ। ଏପରି ଘଟଣା ବାଲେଶ୍ୱର ଜିଲ୍ଲା ନୀଳଗିରି ଜାମୁନା ପ୍ରାଥମିକ ବିଦ୍ୟାଳୟରେ ଦେଖିବାକୁ ମିଳିଛି। ଯାହାର ଭିଡ଼ିଓ ଏବେ ସୋଶାଲ୍&zwnj; ମିଡିଆରେ ଭାଇରାଲ ହୋଇଛି।</p> <p>ଅଗଷ୍ଟ ମାସ ୨୭ ତାରିଖରେ ତହସିଲଦାର ଅଚାନକ ବିଦ୍ୟାଳୟ ପରିଦର୍ଶନରେ ଯାଇଥିଲେ।&nbsp;ସେହି ସମୟରେ ଶିକ୍ଷୟିତ୍ରୀ ପିଲାଙ୍କୁ ପାଠ ପଢାଉଥିବା ବେଳେ ଅଞ୍ଚଳ ଶବ୍ଦର &ldquo;ଞ୍ଚ&rdquo;ର ସନ୍ଧିବିଚ୍ଛେଦ ନେଇ ଜଣେ ଛାତ୍ରୀଙ୍କୁ ପଚାରିଥିଲେ। ଛାତ୍ରୀ ଜଣଙ୍କ ଞ + ଚ = ଞ୍ଚ ବୋଲି କହିଥିଲେ।</p> <p>ତେବେ ଏହାକୁ ଭୁଲ ଦର୍ଶାଇ ତହସିଲଦାର ମହୋଦୟା ଙ+ଚ= ଞ୍ଚ ବୋଲି କଳାପଟାରେ ଲେଖି ଶିକ୍ଷୟିତ୍ରୀଙ୍କୁ ପିଲାଙ୍କ ଆଗରେ ତାଗିଦ କରିଥିଲେ। ଏହାକୁ ଶିକ୍ଷକମାନେ ଓଡ଼ିଆ ଛବିଳ ବର୍ଣ୍ଣବୋଧ ଅନୁସାରେ ଞ + ଚ = ଞ୍ଚ&nbsp; ଠିକ ବୋଲି କହିଥିବା ବେଳେ ତହସିଲଦାରଙ୍କ ଏଭଳି ଆଚରଣକୁ ସମାଲୋଚନା କରିଛନ୍ତି। ଏହି ଖବର ବ୍ୟାପିଯିବା ପରେ ବୁଦ୍ଧିଜୀବୀ ମହଲ ତହସିଲଦାରଙ୍କ ଓଡ଼ିଆ ଜ୍ଞାନ ଉପରେ ପ୍ରଶ୍ନ ଉଠାଇଛନ୍ତି।</p>