ଆପଣ ଖାଉଥିବା ଓମଫେଡ୍ ପ୍ରଡକ୍ଟ କେତେ ଶୁଦ୍ଧ ? ଦେଖନ୍ତୁ ଏକ୍ସକ୍ଲୁସିଭ ଦୃଶ୍ୟ

<p>ବାଲେଶ୍ୱର: ଶୁଦ୍ଧତା ଓ ଗୁଣବତ୍ତାର ସ୍ଳୋଗାନ୍ ଦେଇ ଖାଉଟିଙ୍କ ପାଖର ବେଶ୍ ଆଦୃତ ହୋଇପାରିଛି ଓମଫେଡ୍&zwnj; ପ୍ରଡକ୍ଟ । ତେବେ ଆପଣ ବ୍ୟବହାର କରୁଥିବା ଓମଫେଡ୍ ସାମଗ୍ରୀ କେତେ ଶୁଦ୍ଧ ? ସବୁ ସାମଗ୍ରୀର ମାନ ଠିକ୍ ଅଛି ତ? ପରଖିବା ପାଇଁ ଆମ ବାଲେଶ୍ୱର ପ୍ରତିନିଧି ପହଞ୍ଚିଥିଲେ ରେମୁଣା ଗୋଲେଇରେ ଥିବା ଓମଫେଡ୍&zwnj; ଡେରୀରେ। ତେବେ ବାଲେଶ୍ୱର ଡେରୀରେ କ&rsquo;ଣ ଦେଖିଲେ ଆସନ୍ତୁ ଜାଣିବା ।</p> <p>ଆପଣ ଦେଖୁଥିବା ଏ ଚିତ୍ର ସ୍ପାଏ କ୍ୟାମେରାରେ ଉଠାଯାଇଛି। ଇଏ ହେଉଛି ଫ୍ଳେଭରଡ୍ ମିଲ୍କ ବା ସୁବାସିତ କ୍ଷୀର ପ୍ୟାକିଂ ୟୁନିଟି । &nbsp;ଭଲଭାବେ ଦେଖନ୍ତୁ ଏଠାରେ କେମିତି ହେଉଛି ପ୍ୟାକିଂ। &nbsp;ଏହି କର୍ମଚାରୀ ଜଣକ ଏକସଙ୍ଗେ ୫ଟି ଖାଲି ବୋତଲ ଉଠାଉଛନ୍ତି।&nbsp; ବୋତଲଗୁଡ଼ିକୁ ଟ୍ରେରେ ରଖାଯାଇଥିବା ଅପରିଷ୍କାର ପାଣିରେ ନାଁକୁ ମାତ୍ର ଧୋଇ ଦେଉଛନ୍ତି । ଏହାପରେ ସୁବାସିତ କ୍ଷୀର ଭର୍ତ୍ତି ହଣ୍ଡାରେ ଖାଲି ହାତ ପୁରାଇ ବୋତଲ ଭରୁଛନ୍ତି । ବୋତଲର ଠିପି ସିଲ୍ ବି ସେହିଭଳି। &nbsp;ଅପରିଷ୍କାର ପରିବେଶରେ ହେଉଛି । ମଇଳା ପ୍ଳାଷ୍ଟିକ୍ ବାସ୍କେଟରୁ ଠିପି ନେଇ ବୋତଲ୍ ସିଲ୍ କରୁଛନ୍ତି ।</p> <p>ଏ ଚିତ୍ରରୁ ଠିକ୍ ଜାଣିପାରୁଥିବେ କିଭଳି ଅସ୍ୱାସ୍ଥ୍ୟକର ପରିବେଶରେ କାମ ହେଉଛି। &nbsp;ଏସବୁ କ୍ଷୀର ଭର୍ତ୍ତି ବୋତଲକୁ ହିଟ୍ ଚ୍ୟାମ୍ବରରେ &nbsp;ରଖି ଷ୍ଟେରେଲାଇଜ୍ କରାଯିବାପରେ ପହଞ୍ଚିଯାଉଛି ବଜାରରେ। &nbsp;ଯାହାକୁ ଗ୍ରାହକମାନେ ଅତି ଖୁସିର ସହ ପିଉଛନ୍ତି। କେବଳ ଫ୍ଲେଭରଡ୍ ମିଲ୍କ ନୁହଁ, ଏହି ପ୍ଲାଣ୍ଟରେ ଦହି, ମିଠା ଦହି, ରାବିଡ଼ି, ପନିର୍, ଘୋଳଦହି, ଘିଅ ମଧ୍ୟ ପ୍ରସ୍ତୁତ କରାଯାଉଛି। ସେହିପରି ବଜାରରେ&nbsp; ଉପଲବ୍ଧ ଓମଫେଡ୍ ଦହି ବି ନିମ୍ନମାନର ବୋଲି ଅଭିଯୋଗ କରିଛନ୍ତି କିଛି ଓମଫେଡ୍ ପାର୍ଲର ମାଲିକ। &nbsp;ହେଲେ ସମସ୍ତ ଅଭିଯୋଗକୁ ବାଲେଶ୍ୱର ଡେରୀ ପ୍ଲାଣ୍ଟ ମ୍ୟାନେଜର ଲିଙ୍ଗରାଜ ପଣ୍ଡା ଖଣ୍ଡନ କରିଛନ୍ତି। ଅନ୍ୟପଟେ ନିମ୍ନ ମାନର ଦୁଗ୍ଧଜାତ ସାମଗ୍ରୀ ପ୍ରସ୍ତୁତ ହେଉଥିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜନ ସ୍ୱାସ୍ଥ୍ୟ ବିଭାଗର ପକ୍ଷରୁ ଏଡିଏମ୍ଓ ଡାକ୍ତର ଚାରୁବାଳା ରଥ &nbsp;କହିଛନ୍ତି।</p>