ପାଟଣାଗଡ: ମହିଳା ନିର୍ଯାତନା ତଥା ଅନ୍ୟ ମହିଳା ସଂକ୍ରାନ୍ତୀୟ ମାମଲା ଗୁଡିକୁ ସଦର ମହକୁମାକୁ ସ୍ଥାନାନ୍ତର କରାଯିବା ପ୍ରତିବାଦରେ ଆଜି ଓକିଲ ସଂଘ ପାଟଣାଗଡ ବନ୍ଦ ଡାକରା ଦେଇଛି। ବନ୍ଦ ଡାକରା ପ୍ରଭାବରେ ଆଜି ସକାଳ ୬ରୁ ଦୋକାନ ବଜାର ବନ୍ଦ ରହିବା ସହ ସରକାରୀ ଓ ବେସରକାରୀ କାର୍ଯ୍ୟାଳୟ ବନ୍ଦ ରହିଛି। ହେଲେ ଗାଡି ଚଳାଚଳ ଓ ସ୍କୁଲ କଲେଜ ସ୍ୱାଭାବିକ ରହିଛି। ଆଗାମୀ ଦିନରେ ସରକାର ଓକିଲ ମାନଙ୍କର ଏହି ଦାବିକୁ ନ ମାନିଲେ ଆନ୍ଦୋଳନ ତୀବ୍ରତର କରାଯିବ ବୋଲି ଓକିଲମାନେ ଦାବି କହିଛନ୍ତି।
ସୂଚନାଯୋଗ୍ୟ,ମହିଳା ନିର୍ଯାତନା ସଂକ୍ରାନ୍ତ ମାମଲା ଗୁଡିକ ଜିଲ୍ଳା ସଦର ମହକୁମାକୁ ସ୍ଥାନାନ୍ତର କରାଯିବା ପ୍ରତିବାଦରେ ଓକିଲମାନେ ଗତ ଏକମାସ ଧରି ଆନ୍ଦୋଳନ ଚଳାଇଛନ୍ତି। ଇତି ମଧ୍ୟରେ ଆଇନମନ୍ତ୍ରୀ ଅରୁଣ ସାହୁ ପାଟଣାଗଡକୁ ଆସି ଓକିଲମାନଙ୍କ ସହ ମଧ୍ୟ ଆଲୋଚନା କରିଥିଲେ। କିନ୍ତୁ କିଛି ନିଷ୍ପତ୍ତି ହୋଇପାରି ନଥିଲା। ପରେ ଓକିଲମାନେ ଆଇନ ବିଭାଗ ସଚିବ ବିଭୂପ୍ରସାଦ ରାୟ ଏବଂ ଆଇନ ମନ୍ତ୍ରୀଙ୍କୁ ସାକ୍ଷତ କରି ଆଲୋଚନା କରିଥିଲେ ମଧ୍ୟ କୌଣସି ସୁଫଳ ମିଳିପାରି ନଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
