ପାରାଦୀପ: ପାରାଦୀପ ସିୱେଜ୍ ସିପିଂ କମ୍ପାନୀ ଜିଏମ୍ ମହେନ୍ଦ୍ର ସ୍ୱାଇଁ ହତ୍ୟା ମାମଲାରେ ଶିଳ୍ପପତି ମହିମା ମିଶ୍ରଙ୍କ ସମେତ ୪ ଜଣ ହାଇକୋର୍ଟରେ ଆଗୁଆ ଜାମିନ୍ ଆବେଦନ କରିଛନ୍ତି। ସେମାନେ ହେଲେ ବସନ୍ତ ବଳ, ସୁବାସ ଆଚାର୍ଯ୍ୟ ଓ ଦେବୀ ତ୍ରିପାଠୀ। ସେହିପରି ଜାରି ହୋଇଥିବା ଲୁକ୍ ଆଉଟ୍ ସର୍କୁଲାରକୁ ମଧ୍ୟ ମହିମା ମିଶ୍ର ହାଇକୋର୍ଟରେ ଚ୍ୟାଲେଞ୍ଜ କରିଛନ୍ତି।
ପାରାଦୀପରେ ଷ୍ଟିଭେଡରିଂ ବିବାଦକୁ ନେଇ ମହେନ୍ଦ୍ରକୁ ହତ୍ୟା କରାଯାଇଥିଲା। ଏଥିପାଇଁ ୨୦୧୫ ମସିହାରେ ମହିମା ମିଶ୍ର ଓ ରାକେଶ ଚୌବେ ବ୍ଲୁ-ପ୍ରିଣ୍ଟ ପ୍ରସ୍ତୁତ କରିଥିଲେ ବୋଲି ଗତକାଲି ଆୟୋଜିତ ସାମ୍ୱାଦିକ ସମ୍ମିଳନୀରେ ପୋଲିସ୍ କହିଥିଲା।