ଭଞ୍ଜନଗର (ରାଜେଶ କୁମାର ପଣ୍ଡା): ଦାଦା କାଟି ଦେଲା ଝିଆରୀର ତଣ୍ଟି। ଏମିତି ଏକ ଘଟଣା ଘଟିଛି ଗଞ୍ଜାମ ଜିଲ୍ଲା ବୁଗୁଡ଼ା ଥାନା ବଣପଲ୍ଲୀ ଗାଁରେ।
ଘରୋଇ କଳିକୁ କେନ୍ଦ୍ର କରି ଏହି ଅମାନୁଷିକ କାଣ୍ଡ ଘଟିଥିବା ଜଣାପଡ଼ିଛି। ଅଭିଯୁକ୍ତ ଦାଦା ଛୁରୀରେ ନାବାଳିକା ଝିଆରୀକୁ ଆକ୍ରମଣ କରିଥିଲା। ତଣ୍ଟି ଓ ପେଟରେ ସେ ଛୁରାମାଡ଼ କରିଥିଲା।
ଗୁରୁତର ଅବସ୍ଥାରେ ନାବାଳିକାଙ୍କୁ ପରିବାର ଲୋକେ ଉଦ୍ଧାର କରି ବୁଗୁଡା ମେଡିକାଲରେ ଭର୍ତି କରାଇଛନ୍ତି।
ଘଟଣା ସ୍ଥଳରେ ବୁଗୁଡ଼ା ପୁଲିସ୍ ପହଞ୍ଚି ତଦନ୍ତ ଆରମ୍ଭ କରିଛି। ପୁଲିସ୍ ଅଭିଯୁକ୍ତ ଦାଦା ଧର୍ନୁଧର ନାୟକକୁ ଅଟକ ରଖି ପଚରା ଉଚରା କରୁଛି।
ଅଭିଯୋଗ ଅନୁସାରେ, ବଣପଲ୍ଲୀ ଗାଁର ଧର୍ନୁଧର ନାୟକ ଓ ତାଙ୍କ ଭାଇଙ୍କ ମଧ୍ୟରେ ବିବାଦ ଥିଲା। ଆଜି ଉଭୟଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ସେହି ସମୟରେ ସେଠି ପହଞ୍ଚିଥିଲେ ଏହି ନାବାଳିକା। ଆଉ ଉତ୍କ୍ଷିପ୍ତ ଧର୍ନୁଧର ତାଙ୍କୁ ଛୁରୀରେ ଆକ୍ରମଣ କରିଥିଲେ।