୭ ଘଣ୍ଟାର ଲଢେଇରେ ଜିତିଗଲେ, ଏବେ ସୁରକ୍ଷିତ

<p>କଟକ(ଓଡିଶା ରିପୋର୍ଟର): ଜୀବନ ସତେ ଯେମିତି ଅଟକି ଯାଇଥିଲା ଗୋଟିଏ ଯାଗାରେ। ମୃତ୍ୟୁ ଠିଆ ହୋଇଥିଲା, ହେଲେ ନା ଜୀବନ ଯାଉଥିଲା ନା ପ୍ରାଣ ବଞ୍ଚିବାର ଆଶା ଥିଲା। ଭୟ ଆଉ ଆଶଙ୍କା ଭିତରେ ଗୋଟିଏ ପ୍ରକାର ପ୍ରାଣ ହରାଇ ବସିଥିଲେ ୭୦ବର୍ଷର ବୃଦ୍ଧ ପ୍ରାଣକୃଷ୍ଣ । ଦୀର୍ଘ ୭ ଘଣ୍ଟା ଧରି ଗଳଦ୍&zwnj;ଘର୍ମ ହୋଇ ପଡିଥିଲା ତାଙ୍କ ଶୀର୍ଣ୍ଣ ଶରୀର। ହେଲେ କଥାରେ ଅଛି ନା, ଯାହାକୁ ରଖିବେ ଅନନ୍ତ, କି କରିପାରେ ବଳବନ୍ତ।</p> <p>ଆମେ କହୁଛୁ କଟକରେ ନାଳି ସଫେଇ କାର୍ଯ୍ୟରେ ନିୟୋଜିତ ବୃଦ୍ଧ ଦେଉଳସାହି ଅଞ୍ଚଳର ଶ୍ରମିକ ପ୍ରାଣକୃଷ୍ଣ ମୁଦୁଲିଙ୍କ କଥା। ଯିଏ ଆଜି ସକାଳେ ନାଳି ସେଫେଇ ବେଳେ ଅଣଓସାରିଆ ପାଣି ପାଇପ୍&zwnj; ଭିତରେ ଫଶି ଯାଇଥିଲେ। କଂକ୍ରିଟ କାଟି ତାଙ୍କୁ ଉଦ୍ଧାର କରାଯାଇଛି। ଅଗ୍ନିଶମ ଓ ଓଡ୍ରାଫ୍ କର୍ମଚାରୀଙ୍କ ପ୍ରାୟ ୭ ଘଣ୍ଟା ପରିଶ୍ରମ ପରେ ସୁରକ୍ଷିତ ଭାବେ ଉଦ୍ଧାର ହୋଇଛନ୍ତି ପ୍ରାଣକୃଷ୍ଣ।</p> <p>ସୂଚନାଯୋଗ୍ୟ, ଆଜି ସକାଳେ କଟକ ପୋଲିସ ସିଗ୍ନାଲ ମୁଖ୍ୟାଳୟ ନିକଟ ପାଇପରେ ଫସିଯାଇଥିଲେ ପ୍ରାଣକୃଷ୍ଣ। ନାଳ ସଫା କରୁଥିବା ବେଳେ ପାଇପ ଭିତରକୁ ଠେଲି ହୋଇଯାଇଥିଲେ। ହଠାତ୍&zwnj; ପାଣି ଖୋଲି ଦିଆଯିବାରୁ ଜଳସ୍ରୋତରେ ସେ ଠେଲି ହୋଇଯାଇଥିଲେ । ଉଦ୍ଧାର ପରେ ଆମ୍ବୁଲାନ୍ସ ଯୋଗେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।</p>