ଆନନ୍ଦପୁର (ମୁନା ସିଂହ): ତୀର ମାଡ଼ରେ ଜଣେ ଯୁବକ ଗୁରୁତର ଭାବେ ଆହତ ହୋଇଛନ୍ତି। ତାଙ୍କ ନାଁ ମୁନା ବେହେରା।
ଗତକାଲି ବିଳମ୍ବିତ ରାତିରେ କେନ୍ଦୁଝର ଜିଲ୍ଲା ଆନନ୍ଦପୁର ଥାନା ଅନ୍ତର୍ଗତ ଡୁଡୁଗାଁରେ ଏହି ଘଟଣା ଘଟିଛି।
ତୀରଟି ମୁନାଙ୍କ ପିଠିରେ ପଶିଯାଇଛି। ସେହି ଅବସ୍ଥାରେ ତାଙ୍କୁ ପ୍ରଥମେ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।
ମୁନାଙ୍କୁ କିଏ ଓ କାହିଁକି ତାଙ୍କୁ ତୀର ମାରିଲା, ତାହା ଜଣାପଡ଼ିନି।