ବଲାଙ୍ଗିର(ମନୋରଞ୍ଜନ ଯୋଶୀ): ବାଲି ପରେ ଏବେ ସକ୍ରିୟ ହୋଇଛନ୍ତି ମାଙ୍ଗାନିଜ୍ ମାଫିଆ। ବଲାଙ୍ଗିର ସଦର ଥାନା ଅନ୍ତର୍ଗତ ଡୁଙ୍ଗୁରିପାଲ୍ଲି ଗାଁ ନିକଟରେ ଥିବା ଭାଲୁଡୁଙ୍ଗୁରି ପାହାଡ଼ରୁ ମାଙ୍ଗାନିଜ୍ ବୋଝେଇ ଟ୍ରକ୍କୁ ଜବତ କରାଯାଇଛି। ଜବତ ହୋଇଥିବା ମାଙ୍ଗାନିଜର ଆନୂମାନିକ ମୂଲ୍ୟ ୫ ଲକ୍ଷ ଟଙ୍କା ହେବ।
ଆଜି ଗ୍ରାମବାସୀମାନେ ଏହି ଟ୍ରକ୍କୁ ଜବତ କରି ବନ ବିଭାଗକୁ ହସ୍ତାନ୍ତର କରିଛନ୍ତି। ବନ ବିଭାଗ ଘଟଣା ରତଦନ୍ତ କରୁଛି। ଟ୍ରକ୍ ଡ୍ରାଇଭର ଓ ହେଲପର ଘଟଣାସ୍ଥଳରୁ ଫେରାର ହୋଇଯାଇଛନ୍ତି।
ଦୀର୍ଘ ଦିନ ହେବ ଏହି ଭାଲୁଡୁଙ୍ଗୁରି ପାହାଡ଼ରୁ ଟ୍ରକ୍ ଟ୍ରକ୍ ମାଙ୍ଗାନିଜ୍ ଚୋରା ଚାଲାଣ କରାଯାଉଛି। ତେବେ ପ୍ରଶାସନ ସବୁ ଦେଖି ମଧ୍ୟ ଚେଇଁ ଶୋଇ ରହିଛି।