ବର୍ଷା ଯୋଗୁଁ ବେହାଲ ବାଲେଶ୍ୱର ଓ ରାୟଗଡ଼ା: ୧୫ଶହ ଲୋକ ଜଳବନ୍ଦୀ

<p>ବାଲେଶ୍ୱର/ ରାୟଗଡ଼ା: ଲଗାଣ ବର୍ଷା ଯୋଗୁଁ ବେହାଲ ବାଲେଶ୍ୱର ଓ ରାୟଗଡ଼ା ସହର। ଗତ ୨ଦିନ ଧରି ବର୍ଷା ଲାଗି ରହିବା ଫଳରେ ସହରରେ ଅବସ୍ଥା ଶୋଚନୀୟ ହୋଇ ପଡିଛି। ଲଘୁଚାପ ଜନିତ ବର୍ଷା ଯୋଗୁଁ ବାଲେଶ୍ୱର ଜିଲ୍ଲାର&nbsp;ରେମୁଣା ବିଲିପାରିଆରେ କାନ୍ଥ ପଡି ଜଣେ ମାସକର ଶିଶୁର ମୃତ୍ୟୁ ଘଟିଛି।&nbsp;ବସଷ୍ଟାଣ୍ଡର ନୂ&zwnj;ଆସାହି ଛକରେ ୨ଫୁଟର ପାଣି ଜମିଛି। ଫଳରେ ବାଲେଶ୍ୱର-ରେମୁଣା ମଧ୍ୟରେ ଗାଡି ଚଳାଚଳ ବାଧାପ୍ରାପ୍ତ ହୋଇଛି। ମହାନାଳ ଓ ଶାଖାନାଳ ଗୁଡ଼ିକରେ ଆସୁଥିବା ବର୍ଷାପାଣି ନିଷ୍କାସନ ହୋଇ ନପାରି ଏଭଳି ପରିସ୍ଥିତି ସୃଷ୍ଟି ହୋଇଛି ।</p> <p>ସେହିଭଳି ଗୁଡ଼ିପଦା, ରେମୁଣାର ବାଲଗୋପାଳପୁର,ରାମେଶ୍ୱର ମନ୍ଦିର ଛକ, ବାଲିଆ ପ୍ରଭୃତି ଅଞ୍ଚଳରେ ବର୍ଷାପାଣି ନିଷ୍କାସନ ହୋଇ ନପାରି କିଛି ଲୋକଙ୍କ ଘରେ ପାଣି ପଶିଯାଇଛି। ଭୋଗରାଇ ବ୍ଲକ୍ ଉଦୟପୁର ସମୁଦ୍ରକୂଳରେ ଜୁଆରମାଡ଼ରେ ୩ଟି ଦୋକାନ ଘର ଭାଙ୍ଗିବା ସହିତ କେତେକ ମତ୍ସ୍ୟଜୀବୀଙ୍କ ଡ଼ଙ୍ଗା ଭାଙ୍ଗିଯାଇଥିବା ଅଭିଯୋଗ ହୋଇଛି।</p> <p>ସେହିପରି ବର୍ଷା ଯୋଗୁ ରାୟଗଡ଼ା ଜିଲ୍ଲାରେ ଜନଜୀବନ ଅସ୍ତବ୍ୟସ୍ତ ହୋଇଯାଇଛି।&nbsp; ଚନ୍ଦ୍ରପୁର ବ୍ଲକ ବନ୍ଦରୀ, କୁମ୍ବାରସାହି ଗାଁର ପ୍ରାୟ ୧୫ଶହ ଲୋକ ଜଳବନ୍ଦୀ ହୋଇ ରହିଛନ୍ତି। ଗାଁ ନିକଟ ନାଳରେ ପ୍ରାୟ ୧୨ରୁ ୧୫ ଫୁଟ୍ ଉଚ୍ଚର ପାଣି ପ୍ରବାହିତ ହେଉଛି।&nbsp; ଜଳ ଘେରରେ ଥିବାରୁ ସମସ୍ତ ଲୋକ ଆତଙ୍କିତ ହୋଇ ରହିଛନ୍ତି।</p>