ପୁଲିସ୍‌ ଓ ସିଆରପିଏଫ୍‌ ବିରୋଧରେ ନକ୍ସଲ ପୋଷ୍ଟର୍‌

<p>ମୁନିଗୁଡ଼ା(ନନ୍ଦ କିଶୋର ପଟ୍ଟନାୟକ): ରାୟଗଡ଼ା ଜିଲ୍ଲା ମୁନିଗୁଡ଼ା ଥାନା ଅନ୍ତର୍ଗତ ଭୂର୍ଷୀଖୁମା ଓ ରାଜୁଲୁଗୁଡ଼ା ଗାଁରେ ନକ୍ସଲ ପୋଷ୍ଟର୍&zwnj; ଦେଖିବାକୁ ମିଳିଛି। ବି.ଡି.ଏନ୍&zwnj; ଡିଭିଜନାଲ କମିଟି ଓ ସିପିଆଇ ନକ୍ସଲ ନାଁରେ ଏହି ପୋଷ୍ଟର୍&zwnj; ଲଗାଯାଇଛି।<br /> (image) ପୋଷ୍ଟର୍&zwnj; ରାଜୁଲୁଗୁଡ଼ା ଅଙ୍ଗନୱାଡ଼ି କେନ୍ଦ୍ର ଓ ଏକ ଗଛରେ ଲଗାଯାଇଥିବା ଦେଖିବାକୁ ମିଳିଛି। ସେହିପରି ଭୂର୍ଷୀଖୁମା ଗାଁ ଛକରେ ପୋଷ୍ଟର୍&zwnj; ମରାଯାଇଛି।<br /> ପୁଲିସ୍&zwnj; ଓ ସିଆର୍&zwnj;ପିଏଫ୍&zwnj;ଙ୍କୁ ପୋଷ୍ଟର୍&zwnj; ମାରି ବିରୋଧ କରାଯାଇଛି। ଏଥିସହ ଏଥିରେ ଉଲ୍ଲେଖ ରହିଛି, &ldquo;ନକ୍ସଲମାନେ ଆଦିବାସୀ, ଗରିବ ଲୋକଙ୍କ ମୁକ୍ତି ଓ ଅଧିକାର ପାଇଁ ଲଢ଼ୁଛନ୍ତି। ପୁଲିସ୍&zwnj; ଡଙ୍ଗରିଆ ହରିଜନ ପିଲାଙ୍କୁ ମୋବାଇଲ ଦେଇ ଟଙ୍କାର ପ୍ରଲୋଭନ ଦେଖାଇ ଦଲାଲ ବନାଉଛି। ଫଳରେ ଆମ ଭିତରେ ହଣାକଟା କରାଉଛି। ନକ୍ସଲମାନେ ନିରୀହ ଅଦିବାସୀମାନଙ୍କୁ ମାରନ୍ତି ନାହିଁ, ଦଲାଲ୍ ମାନଙ୍କୁ ଦଣ୍ଡ ଦିଅନ୍ତି।&rdquo;<br /> ନିୟମଗିରି ଆନ୍ଦୋଳନକୁ ଦୁର୍ବଳ ଓ ଭାଗ ଭାଗ କରିବାକୁ ଷଡଯନ୍ତ୍ର କରାଯାଉଛି ବୋଲି ମଧ୍ୟ ପୋଷ୍ଟର୍&zwnj;ରେ ଉଲ୍ଲେଖ ରହିଛି।</p> <p>https://www.youtube.com/watch?v=X45Gq8c9Izo</p>