ହାରିଗଲା ହିଂସା: ବନ୍ଧୁକ ବଦଳରେ ମାଓବାଦୀଙ୍କ ହାତରେ ବହି ଧରାଇଲା ମାଲକାନଗିରି ପୋଲିସ୍‌

<p>ମାଲକାନଗିରି(ଜିତେନ୍ଦ୍ର ବେହୁରା): ବଦଳିଛି ମିଶନ୍। ବଦଳିଛି ଟାର୍ଗେଟ। କାଲି ଯେଇଁ ହାତ ବନ୍ଧୁକ ଧରିଥିଲା ସେ ଆଜି ବହି ଧରିଛି। କାଲି ଯେ ମଣିଷ ମାରୁଥିଲା ଆଜି ସେ ମାନବିକତାର ପାଠ ପଢ଼ୁଛି। ହିଂସା ପଥ ଛାଡ଼ି ଅହିଂସା ମାର୍ଗରେ ସେମାନେ ଏମାନେ ଅଗ୍ରସର। ଆତ୍ମସମର୍ପଣ କରିଥିବା ମାଓବାଦୀଙ୍କୁ ଏମିତି ଏକ ନୂଆ ପରିଚୟ ଦେଇ ମାଲକାନଗିରି ପୋଲିସ୍&zwnj;। ସେମାନଙ୍କୁ ଦେଇଛି ପାଠପଢାର ସୁଯୋଗ। ଆଉ ସେମାନଙ୍କ ତାଲିମ ପାଇଁ ସମସ୍ତ ଖର୍ଚ୍ଚ ମଧ୍ୟ ବହନ କରିଛି।</p> <p>&lt;a href=&quot;&quot;&gt;(image) &lt;/a&gt;ଦିନେ ଏମାନେ ପୋଲିସକୁ ଟାର୍ଗେଟ କରି ପ୍ରସ୍ତୁତ କରୁଥିଲେ ରଣନୀତି। କିନ୍ତୁ ଏବେ ସେହି ପୋଲିସ ସହାୟତାରେ ଚାଲିଛି ଭିନ୍ନ ଏକ ପ୍ରସ୍ତୁତି। ଏବେ ଟାର୍ଗେଟରେ ପୋଲିସ କିମ୍ବା ପ୍ରଶାସନ ନୁହେଁ, ବରଂ ପାଠ ପଢା ଓ କ୍ୟାରିୟର ବନ୍ଧୁକ ଓ ଗୋଳାବାରୁଦର ସ୍ଥାନ ନେଇଛି ବହି, ଖାତା ଓ କଲମ। ମାଲକାନଗିରି ଜିଲ୍ଲାର ଆତ୍ମସମର୍ପଣକାରୀ ମାଓବାଦୀ ସମାଜର ମୁଖ୍ୟସ୍ରୋତକୁ ଫେରିବା ପରେ ଏମାନଙ୍କୁ ସ୍ୱାବଲମ୍ବୀ କରିବାକୁ &zwnj; ପୋଲିସ ପ୍ରଶାସନ ଆଗେଇ ଆସିଛି। ଉଚ୍ଚଶିକ୍ଷିତ କରିବା ଲକ୍ଷ୍ୟ ନେଇ ଇନ୍ଦିରା ଗାନ୍ଧୀ ଜତୀୟ ମୁକ୍ତ ବିଶ୍ୱ ବିଦ୍ୟାଳୟ ବା ଇଗ୍ନୋ ସହାୟତାରେ ଦିଆଯାଉଛି ତାଲିମ।</p> <p>&lt;a href=&quot;http://odishareporter.in/wp-content/uploads/2018/06/vlcsnap-2018-06-05-09h38m40s555.png&quot;&gt;(image) &lt;/a&gt;ଇଗ୍ନୋରେ ବାଚେଲର ପ୍ରିପେୟାରେଟରି ପ୍ରୋଗାମରେ ଏମାନଙ୍କୁ ୬ ମାସ ଧରି ତାଲିମ ଦିଆଯାଇଥିଲା।&nbsp; ଏହି ପାଠ୍ୟକ୍ରମରେ ପାସ କରିସାରିବା ପରେ ଏମାନେ ସେହି ଇଗ୍ନୋରେ ସିଧାସଳଖ କଳାରେ ସ୍ନାତକ କରିପାରିବେ। ଏଥିପାଇଁ ୧୨୦ ଜଣ ଆବେଦନ କରିଥିବା ବେଳେ ୧୦୭ ଜଣ ପରୀକ୍ଷା ଦେଇଛନ୍ତି । ସମସ୍ତଙ୍କର ୬ ମାସିଆ ତାଲିମର ସମସ୍ତ ଖର୍ଚ୍ଚ ବହନ କରିଛି ମାଲକାନଗିରି ପୋଲିସ।</p> <p>ଆଗକୁ ମଧ୍ୟ ଯେଉଁ ମାଓବାଦୀମାନେ ମୁଖ୍ୟସ୍ରୋତକୁ ଫେରିବା ପାଇଁ ଛାହୁଁଛନ୍ତି, ସେମାନଙ୍କୁ ବି ଏଭଳି ତାଲିମ ଦିଆଯିବ ବୋଲି ମାଲକାନଗିରି ପୋଲିସ ପକ୍ଷରୁ କୁହାଯାଇଛି।</p> <p>https://youtu.be/_h9s0FA9ly0</p> <p>&amp;nbsp;</p> <p>&amp;nbsp;</p>