ମାତିଲେ ମାଓବାଦୀ: ବସ୍ ଜାଳି ଦେଲେ, ପୋଷ୍ଟର ମାରିଲେ

<p>ମାଲକାନଗିରି/ରାୟଗଡ଼ା: କିଛିଦିନର ନିରବତା ପରେ ପୁଣି ମାଓବାଦୀଙ୍କ ଲଙ୍କାକାଣ୍ଡ।&nbsp; ଛତିଶଗଡ଼ ସୀମାନ୍ତ ବିଜାପୁର ନିକଟରେ ଏକ ବସ୍&zwnj;କୁ ମାଓବାଦୀ ଜାଳି ଦେଇଛନ୍ତି।&nbsp; ଗତକାଲି ରାତିରେ ଏହି ଘରୋଇ ବସ୍&zwnj;ରୁ ଲୋକଙ୍କୁ ଓହ୍ଲାଇ ମାଓବାଦୀମାନେ ସେଥିରେ ନିଆଁ ଲଗାଇ ଦେଇଥିଲେ। ବସ୍&zwnj;ଟି ବିଜାପୁରରୁ ବିଶାଖାପାଟଣାମ୍ ଯାଉଥିଲା। ବସ୍&zwnj;ରେ ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡ଼ିଛି। ପୋଲିସ୍&zwnj; ସେହି ଅଞ୍ଚଳରେ ସର୍ଚ୍ଚ ଅପରେସନ କରୁଛି।</p> <p>ସେହିପରି ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ ଇଚ୍ଛାପୁର ଗ୍ରାମପଞ୍ଚାୟତ ଅଫିସ୍ ସମେତ ବିଭିନ୍ନ ସ୍ଥାନରେ ମାଓ ପୋଷ୍ଟର ଲାଗିଛି। ପୋଷ୍ଟରରେ ତଳଭାଗକୁ ସିପିଆଇ ମାଓବାଦୀ ବଂଶଧାରା-ଘୁମୁସର-ନାଗାବଳି ଡିଭିଜନ ବୋଲି ଲେଖା ଯାଇଛି।</p> <p>ରାୟଗଡ଼ା ଓ କଳାହାଣ୍ଡି ଜିଲ୍ଲାରେ ହୋଇଥିବା ପ୍ରଳୟଙ୍କାରୀ ବନ୍ୟାରେ କ୍ଷତିଗ୍ରସ୍ତଙ୍କୁ ସମସ୍ତ ପ୍ରକାର ସହାୟତା, କ୍ଷତିଗ୍ରସ୍ତ ଚାଷୀଙ୍କୁ ସହାୟତା ପ୍ରଦାନ, ଦେଶୀ ମଦ ଭାଟି ବନ୍ଦ, ସାଧାରଣ ଲୋକଙ୍କ ଶିକ୍ଷା ଓ ସ୍ୱାସ୍ଥ୍ୟ ପ୍ରତି ସରକାର ଦୃଷ୍ଟି ଦେବାକୁ ଏହି ପୋଷ୍ଟରରେ ଉଲ୍ଲେଖ ରହିଛି।</p>