ମାଟ୍ରିକ ଖାତା ମୂଲ୍ୟାୟନରେ ନୂଆ ବ୍ୟବସ୍ଥା: ମୂଲ୍ୟାୟନ କେନ୍ଦ୍ରରୁ ମାର୍କସ ଅନଲାଇନରେ ରେଜଲ୍ଟ ପ୍ରୋସେସିଂ ଫାର୍ମକୁ ଯିବ

A file picture of Students appearing for High School Certificate examଭୁବନେଶ୍ୱର: ମାଟ୍ରିକ ପରୀକ୍ଷା ଖାତା ମୂଲ୍ୟାୟନ ବ୍ୟବସ୍ଥାରେ ସ୍ୱଚ୍ଛତା ପାଇଁ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ନୂଆ ବ୍ୟବସ୍ଥା ଆରମ୍ଭ କରାଯାଇଛି । ପ୍ରଥମଥର ପାଇଁ ଉତ୍ତର ଖାତା ମୂଲ୍ୟାୟନ ପରେ ଖାତାରେ ଦିଆଯାଇଥିବା ମାର୍କ୍ସ ମୂଲ୍ୟାୟନ କେନ୍ଦ୍ରରୁ ଅନଲାଇନ ଜରିଆରେ ରେଜଲଟ ପ୍ରୋସେସିଂ ଫାର୍ମକୁ ଯିବ। ଖାତା ମୂଲ୍ୟାୟନ ପରେ ରେଜଲ୍ଟ ପ୍ରୋସେସିଂ ଫ।ର୍ମକୁ ଖାତାରେ ଦେଇଥିବା ମାର୍କ୍ସ ପଠାଇବାର ବ୍ୟବସ୍ଥା ନିରୀକ୍ଷକ କରିବେ। ଏହି ବ୍ୟବସ୍ଥା କାର୍ଯ୍ୟକାରୀ ହେଲେ ଖାତା ମୂଲ୍ୟାୟନ ପ୍ରକ୍ରିୟାରେ ସ୍ୱଚ୍ଛତା ରହିବା ସହ ରେଜଲ୍ଟ ପ୍ରକାଶ କରିବାରେ ମଧ୍ୟ ସୁବିଧା ହେବ । ଏପରି କି ବିଭିନ୍ନ ବିଷୟରେ ଦିଆଯାଇଥିବା ମାର୍କରେ ତ୍ରୁଟି ଥିଲେ ଜାଣିବା ସହାୟକ ହେବ। ସେହିପରି ପରୀକ୍ଷା ପରିଚଳନା ନେଇ ଜିଲ୍ଲାସ୍ତରରେ ୭୦ ସ୍ୱାର୍ଡ ଓ ରାଜ୍ୟସ୍ତରରେ ୫୦ ସ୍ୱାର୍ଡର ବ୍ୟବସ୍ଥା ହୋଇଛି। ସେହିପରି ମାଟ୍ରିକ ପରୀକ୍ଷା ପରିଚାଳନା ନେଇ ବିଭାଗ ଶୀଘ୍ର ଏକ ବୈଠକ କରିବ । ଆସନ୍ତାବର୍ଷ ଫେବୃୟାରୀ ତୃତୀୟ ସପ୍ତାହରେ ମାଟ୍ରିକ ପରୀକ୍ଷା କରିବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି।