ଭୁବନେଶ୍ୱର(ଓଡ଼ିଶା ରିପୋର୍ଟର): ବିଶ୍ୱ ଏଡସ୍ ଦିବସ ଅବସରରେ ଏହି ମହାମାରୀ ସଂପର୍କରେ ସଚେତନତା ସୃଷ୍ଟି ପାଇଁ ଭୁବନେଶ୍ୱରରେ ଓଟିଭି ପକ୍ଷରୁ ’ମିନି ମାରାଥନ’ କାର୍ଯ୍ୟକ୍ରମ ଆୟୋଜିତ ହୋଇଛି। ଓଏସ୍ଏପିର ସେଭେନ୍ଥ ବାଟାଲିୟନ୍ରୁ ‘ମିନି ମାରାଥନ୍’ ଆରମ୍ଭ ହୋଇ ଜନତା ମୈଦାନ, ଜୟଦେବ ବିହାର ଛକ, ଆଚାର୍ଯ୍ୟ ବିହାର ଛକ, ସୈନିକ ସ୍କୁଲ ଛକ ଦେଇ ସେଭେନ୍ଥ ବାଟାଲିୟନ୍ରେ ଏହା ଶେଷ ହୋଇଛି।
ବହୁ ସଂଖ୍ୟାରେ ଯୁବ ପୀଢ଼ି, ମହିଳା, ଛାତ୍ର, କିଛି ବୟସ୍କ ଓ କୁନି ଶିଶୁ ବି ଏଥିରେ ସାମିଲ ହୋଇଥିଲେ। ଏହି କାର୍ଯ୍ୟକ୍ରମରେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ, ଓଟିଭିର କୋ ଫାଉଣ୍ଡର ଜଗିମଙ୍ଗତ ପଣ୍ଡା, ଓଏସ୍ଏପି ସେଭେନ୍ଥ ବାଟାଲିଅନର କମାଣ୍ଡାଣ୍ଟ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। ଜୀବନଠୁ ନହାରି, ଏଡସ୍ ବିରୋଧରେ ଲଢ଼ିବା ପାଇଁ ଅପରାଜିତା ସମସ୍ତଙ୍କୁ ଆହ୍ୱାନ ଦେଇଛନ୍ତି।
ଜୀବନ ପାଇଁ ଦୌଡ଼ର ସଂକଳ୍ପ ନେଇ ଏହି ମାରାଥନ ଆୟୋଜିତ ହୋଇଥିଲା। ଏଡସ୍ ସଚେତନତା ଉଦ୍ଦେଶ୍ୟରେ ଓଟିଭି ପକ୍ଷରୁ ପ୍ରତି ବର୍ଷ ଏହି ‘ମିନି ମାରାଥନ’ ଆୟୋଜିତ ହୋଇ ଆସୁଛି।