ଭୁବନେଶ୍ୱର (ଓଡ଼ିଶା ରିପୋର୍ଟର): ଲକ୍ଡାଉନ୍ ଯୋଗୁ ପ୍ରଭାବିତ ହେଉଥିବା ଓଡ଼ିଶାର ଦୁଗ୍ଧ ଚାଷୀଙ୍କୁ କ୍ଷତିପୂରଣ ଦେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖି ଅନୁରୋଧ କରିଛନ୍ତି କେନ୍ଦ୍ର ମତ୍ସ୍ୟ ଓ ପଶୁ ସଂପଦ ମନ୍ତ୍ରୀ ପ୍ରତାପ ଷଡ଼ଙ୍ଗୀ।
ସେ ଟ୍ୱିଟ୍ କରି କହିଛନ୍ତି ଯେ, ଗୋପାଳକମାନେ ବର୍ତ୍ତମାନ ଦୋକାନ ବନ୍ଦ ଥିବା ହେତୁ ଦୁଗ୍ଧ ଓ ଦୁଗ୍ଧଜାତ ଦ୍ରବ୍ୟ ବିକ୍ରି କରିପାରୁ ନାହାନ୍ତି। ଓମ୍ଫେଡ଼ ମଧ୍ୟ ନିଜ କ୍ଷମତାଠାରୁ କମ୍ ପରିମାଣର ଦୁଗ୍ଧ ଚାଷୀଙ୍କଠାରୁ ସଂଗ୍ରହ କରୁଛି। ଫଳରେ ଚାଷୀମାନେ ହତାଶ ହୋଇ ଦୁଗ୍ଧ ଢାଳି ଦେଉଛନ୍ତି ଓ ଘୋର କ୍ଷତିର ସମ୍ମୁଖୀନ ହେଉଛନ୍ତି। ଏଣୁ ଗୋପାଳଙ୍କମାନଙ୍କୁ କିଛି କ୍ଷତିପୂରଣ ଦେବା ସହ ଏହି ସମସ୍ୟାର ସମାଧାନ ବାହାର କରିବାକୁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଅନୁରୋଧ କରିଛନ୍ତି ପ୍ରତାପ।
ଗୋପାଳକ ମାନେ ବର୍ତ୍ତମାନ ଦୋକାନ ବନ୍ଦ ଥିବା ହେତୁ ଦୁଗ୍ଧ ଏବଂ ଦୁଗ୍ଧଜାତ ଦ୍ରବ୍ୟ ବିକ୍ରି କରିପାରୁନାହିଁ । ଓମଫେଡ ମଧ୍ଯ ନିଜ କ୍ଷମତା ଠାରୁ କମ ପରିମାଣରେ ଦୁଗ୍ଧ ଚାଷୀମାନଙ୍କ ଠାରୁ ସଂଗ୍ରହ କରୁଛି । ଫଳରେ ଚାଷୀମାନେ ହତାଶ ହୋଇ ଦୁଗ୍ଧକୁ ଢାଳି ଦେଉଛନ୍ତି ଓ ଘୋର କ୍ଷତିର ସମ୍ମୁଖୀନ ମଧ୍ୟ ହେଉଛନ୍ତି ।
— Pratap Sarangi (@pcsarangi) March 31, 2020
ଏଣୁ ଗୋପାଳକ ମାନଙ୍କୁ କିଛି କ୍ଷତିପୂରଣ ଦେବା କିମ୍ବା ଏହି ସମସ୍ୟାର ସମାଧାନ ବାହାର କରିବା ପାଇଁ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଅନୁରୋଧ କଲି ।#IndiaFightsCoronavirus@CMO_Odisha @Naveen_Odisha pic.twitter.com/XcprvNtLwI
— Pratap Sarangi (@pcsarangi) March 31, 2020