ଟିଭି ଦେଖିବାକୁ ମାଆ ମନା କଲେ, ବିଷ ପିଇଦେଲା ଝିଅ !

ବାସୁଦେବପୁର (କିରିଟି ଦାସ): ପାଠ ପଢ଼ିବା ବେଳେ ଟିଭି ନଦେଖିଥିବା ପାଇଁ ଝିଅକୁ ଆକଟ କରିଥିଲେ ମାଆ। ହେଲେ ମାଆର ସେହି ସ୍ନେହଭରା ଆକଟକୁ ବୁଝି ପାରିଲାନି ଝିଅ। ମାଆ ଉପରେ ଅଭିମାନ କରି ବିଷ ଦେଇଦେଲା। ଆଉ ଦୁନିଆକୁ ଠିକ୍‌ରେ ଦେଖିବା ପୂର୍ବରୁ ସବୁଦିନ ପାଇଁ ଆଖି ବୁଜିଦେଲା। ଏପରି ହୃଦୟବିଦାରକ ଘଟଣା ଭଦ୍ରକ ଜିଲ୍ଲା ବାସୁଦେବପୁର ଅଞ୍ଚଳରେ ଘଟିଛି।

ମନୋଜ ଦାସଙ୍କ ପତ୍ନୀ ଗୀତାରାଣୀ ନିଜର ଦୁଇ ଝିଅଙ୍କୁ ଧରି ବାପ ଘର ପରା ଗାଁରେ ରୁହନ୍ତି। ଗତକାଲି ସଞ୍ଜ ବେଳେ ଗୀତାରାଣୀଙ୍କ ସାନ ଝିଅ ଲିପିପୁଷ୍ପା ଟିଭି ଦେଖିଥିଲା। ଯେଉଁଥିପାଇଁ ଲିପିଙ୍କ ଉପରେ ତାଙ୍କ ମାଆ ବିରକ୍ତି ପ୍ରକାଶ କରିଥିଲେ। ଟିଭି ନଦେଖିବାକୁ ବାରଣ ମଧ୍ୟ କରିଥିଲେ। ପରେ ଗୀତାରାଣୀ କୌଣସି କାମରେ ବାହାରକୁ ଯାଇଥିଲେ। ମାଆ ଗଲା ପରେ ଲିପି ବାଡ଼ିକୁ ଯାଇ ଘାସ ମରା ବିଷ ପିଇ ଦେଇଥିଲେ। ତାଙ୍କୁ ପରିବାର ଲୋକେ ଗୁରୁତର ଅବସ୍ଥାରେ ଉଦ୍ଧାର କରି ବାସୁଦେବପୁର ମେଡିକାଲ୍‌ରେ ଭର୍ତ୍ତି କରିଥିଲେ। ସେଠାରେ ଚିକିତ୍ସା ପରେ ଲିପି ସାମାନ୍ୟ ଆରୋଗ୍ୟ ହୋଇଥିଲେ। ଏହା ପରେ ଡାକ୍ତରଙ୍କ ପରାମର୍ଶରେ ପରିବାର ଲୋକେ ତାଙ୍କୁ ଆଜି ଘରକୁ ନେଇ ଆସିଥିଲେ। ମାତ୍ର ଲିପିଙ୍କୁ ମେଡିକାଲ୍‌ ପକ୍ଷରୁ ଡିସ୍‌ଚାର୍ଜ ରିପୋର୍ଟ ଦିଆଯାଇ ନ ଥିଲା।

ଲିପି ଘରେ ପହଞ୍ଚିବା ବେଳେ ସୁସ୍ଥ ହୋଇପଡ଼ିଥିଲେ। ପରେ ପରିବାର ଲୋକେ ଡାକ୍ତରଙ୍କ ପରାମର୍ଶ ନେଇଥିଲେ। ଓଭର ଡୋଜ୍‌ ଦିଆଯାଇଛି, ଝିଅର ମୁଣ୍ଡ ଧୋଇ ଦିଅ ବୋଲି ଡାକ୍ତରବାବୁ କୁଆଡ଼େ କହିଥିଲେ। ଆଉ ଡାକ୍ତରବାବୁଙ୍କ ପରାମର୍ଶରେ ପରିବାର ଲୋକେ ଝିଅର ମୁଣ୍ଡ ଧୋଇ ଦେଇଥିଲେ। ତା’ପରେ ଲିପିଙ୍କ ସ୍ୱାସ୍ଥ୍ୟ ଗୁରୁତର ହୋଇଥିଲା। ବାରମ୍ୱାର ସଜ୍ଞା ହରାଉଥିଲେ। ଶେଷରେ କିଛି ଉପାୟ ନପାଇ ପରିବାର ଲୋକେ ଲିପିଙ୍କୁ ପୁଣି ଥରେ ଡାକ୍ତରଖାନାରେ ଭର୍ତ୍ତି କରିଥିଲେ। ଚିକିତ୍ସା ଚାଲିଥିବା ବେଳେ ଲିପି ଆଖି ବୁଜିଲେ।

ଡାକ୍ତରଙ୍କ ଅବହେଳାରୁ ଲିପିର ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ କରିଛନ୍ତି। ଅନ୍ୟପକ୍ଷରେ ମେଡିକାଲ୍‌ ପକ୍ଷରୁ ପରିବାର ଲୋକଙ୍କୁ ଦାୟୀ କରାଯାଇଛି। ବିନା ଅନୁମତିରେ ଚିକିତ୍ସା ଚାଲିଥିବା ବେଳେ ରୋଗୀଙ୍କୁ ପରିବାର ଲୋକେ ଘରକୁ ନେଇଯାଇଥିବା ଡାକ୍ତରଖାନା ପକ୍ଷରୁ ସ୍ପଷ୍ଟୀକରଣ ଦିଆଯାଇଛି।

ଆହୁରି ପଢ଼ନ୍ତୁ

କୋମାକୁ ଚାଲିଗଲେ ପ୍ରଣବ ମୁଖାର୍ଜୀ, ଅବସ୍ଥା ଅତ୍ୟନ୍ତ ଗମ୍ଭୀର

କରୋନା ଟିକା ନିଜ ଇଚ୍ଛାରେ କିଣି ପାରିବେନି ରାଜ୍ୟ ସରକାର

ପ୍ରଫୁଲ୍ଲ ଓ ନବ ବାଦ୍ : ୧୮ ଜିଲ୍ଲାରେ ମନ୍ତ୍ରୀ କରିବେ ପତାକା ଉତ୍ତୋଳନ

‘ରାଜ୍ୟରେ ୨୪ ଘଣ୍ଟାରେ ହେଲା ୪୦ ହଜାରରୁ ଊର୍ଦ୍ଧ୍ୱ କରୋନା ଟେଷ୍ଟ’

ନୂଆ କାରଖାନା ପାଇଁ ହଜାରେ ଦିନ କୋହଳ ହେବ ନିୟମ, ୨୦ ପ୍ରସ୍ତାବକୁ ମଞ୍ଜୁରୀ

ବଢୁଛି ଟେଷ୍ଟିଂ, କମୁଛି ପଜିଟିଭ୍ ସଂଖ୍ୟା

ଜଳସେଚନ ପ୍ରକଳ୍ପ ନାଁରେ ବିଜେପୁରବାସୀଙ୍କୁ ପୁଣି ଭୁଆଁ ବୁଲାଇଲେ ମୁଖ୍ୟମନ୍ତ୍ରୀ

ଆଇପିଏଲରେ ହେଲାନି ଚୟନ, ଆତ୍ମହତ୍ୟା କଲେ ‘ଜୁନିୟର ଡେଲ୍ ଷ୍ଟେନ୍’

ଆରୋଗ୍ୟ ହେଲେ ୧୬୭୩ ଆକ୍ରାନ୍ତ, କେଉଁ ଜିଲ୍ଲାରୁ କେତେ ପଢ଼ନ୍ତୁ

ଟେନ୍‌ସନ୍‌ ବଢ଼ାଇଲା ଜାଲୁଆ ସାହି, ଆଜି ପୁଣି ୨୪ ଆକ୍ରାନ୍ତ ଚିହ୍ନଟ

ଆଉ ଜଣେ କେନ୍ଦ୍ରମନ୍ତ୍ରୀଙ୍କୁ କରୋନା

ସିଲ୍‌ଭର ସିଟିରେ ପୁଣି ଥରେ ସକ୍ରିୟ ହେଉଛି କି ଡି-ବ୍ରଦର୍ସ ଗ୍ୟାଙ୍ଗ?