ଭୁବନେଶ୍ୱର(ଓଡ଼ିଶା ରିପୋର୍ଟର): ଅଭିଯୋଗ ଓ ଆକ୍ଷେପକୁ ନେଇ ଅଡୁଆରେ ଓଡ଼ିଆ ସିନେ ଇଣ୍ଡଷ୍ଟ୍ରିର ସେଲିବ୍ରିଟି । କିଛି ଦିନ ପରେ ଓଲିଉଡ୍କୁ କାଷ୍ଟିଂ କାଉଚ୍ ଭଳି ସଙ୍ଗୀନ୍ ଅଭିଯୋଗ ଫେରିଛି। ଅଭିନେତା ପିଣ୍ଟୁ ନନ୍ଦଙ୍କ ନାଁରେ ଆସିଛି ଗୁରୁତର ଅଭିଯୋଗ।
https://youtu.be/C7LQO_q4bjw
ଅଭିନୟ ମୋହରେ ଓଲିଉଡ୍ ଆସୁଥିବା ଜଣେ ଯୁବତୀ ପିଣ୍ଟୁଙ୍କ ନାଁରେ ଆଣିଛନ୍ତି ସଙ୍ଗୀନ ଅଭିଯୋଗ । ପିଣ୍ଟୁ ଅଭିନୟ କରୁଥିବା ଏକ ଫିଲ୍ମରେ ତାଙ୍କୁ ରୋଲ୍ ଦେଇ ରାତାରାତି ଷ୍ଟାର କରିଦେବାର ସ୍ୱପ୍ନ ଦେଖାଇବା ସହ ତାଙ୍କ କଥାରେ ରାଜି ହୋଇଯିବାକୁ କହିଥିଲେ ବୋଲି ଅଭିଯୋଗ କରିଛନ୍ତି ଯୁବତୀ ।
ଏନେଇ ଗତକାଲି ବିଳମ୍ବିତ ରାତିରେ ନୟାପଲ୍ଲୀ ଥାନାରେ ଏତଲା ବି ଦେଇଛନ୍ତି । ଏମିତିକି ତାଙ୍କ ପ୍ରସ୍ତାବରେ ରାଜି ନହେବାରୁ ହୋଟେଲ ବାହାରେ ପିଣ୍ଟୁ ତାଙ୍କୁ ଟଣାଓଟରା ସହ ଖରାପ ବ୍ୟବହାର କରିଥିବା ଅଭିଯୋଗ ବି ଆଣିଛନ୍ତି। ଏପଟେ ତାଙ୍କ ବିରୋଧରେ ଏଭଳି ଅଭିଯୋଗକୁ ସିଧା ଖଣ୍ଡନ କରିଛନ୍ତି ପିଣ୍ଟୁ ନନ୍ଦ । ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ଏବଂ ଯୁବତୀଙ୍କୁ ସେ ଆଦୌ ଚିହ୍ନି ନଥିବା କହିଛନ୍ତି । ସେପଟେ ଏ ମାମଲା ଭିତରେ ମାନସ ନାମକ ଜଣେ ଯୁବକଙ୍କ ନାଁ ଆସୁଥିବା ଏବଂ ସେ ହିଁ ଯୁବତୀଙ୍କୁ ସୁଟିଂ ସେଟ୍କୁ ଆଣିଥିବାରୁ ତାଙ୍କ ଭୂମିକା ଉପରେ ବି ପ୍ରଶ୍ନ ଉଠିଛି।