ଭୁବନେଶ୍ୱର(ଓଡ଼ିଶା ରିପୋର୍ଟର): ଆସନ୍ତାକଲି କଟକ-ଭୁବନେଶ୍ୱରରେ ଗଡ଼ିବନି ମୋ ବସ୍। ଚାଷୀ ଆନ୍ଦୋଳନ ଓ ଭାରତ ବନ୍ଦକୁ ଦୃଷ୍ଟିରେ ରଖି ‘ମୋ ବସ’ ନଚଳାଇବାକୁ କ୍ୟାପିଟାଲ୍ ରିଜିୟନ୍ ଅର୍ବାନ ଟ୍ରାନ୍ସପୋର୍ଟ(ସିଆର୍ୟୁଟି) ପକ୍ଷରୁ ନିଷ୍ପତ୍ତି ନିଆଯାଇଛି। ଯାତ୍ରୀଙ୍କ ଅବଗତି ନିମନ୍ତେ କ୍ରୁଟ ପକ୍ଷରୁ ଟ୍ୱିଟ୍ କରି ସୂଚନା ଦିଆଯାଇଛି।
https://twitter.com/CRUT_BBSR/status/1335961021760978944?s=20
କୃଷି ଆଇନକୁ ବିରୋଧ କରି ବିଭିନ୍ନ ଚାଷୀ ସଂଗଠନ ପକ୍ଷରୁ ମଙ୍ଗଳବାର ‘ଭାରତ ବନ୍ଦ’ ଡାକରା ଦିଆଯାଇଛି। ଚାଷୀଙ୍କ ଏହି ଆନ୍ଦୋଳନକୁ ବିଭିନ୍ନ ରାଜନୈତିକ ଦଳ ସମର୍ଥନ ଜଣାଇଛନ୍ତି। ଓଡ଼ିଶାରେ କଂଗ୍ରେସ ଓ ବାମ ଦଳ ଆନ୍ଦୋଳନକୁ ସମର୍ଥନ ଦେଇଛି। କିନ୍ତୁ ଶାସକ ବିଜେଡି ଆନ୍ଦୋଳନ ନେଇ ମୁହଁ ଖୋଲି ନାହିଁ। ତେବେ ବନ୍ଦକୁ ଦେଖି କ୍ରୁଟ୍ ତା’ର ସମସ୍ତ ରୁଟ୍ରେ ବସ୍ ଚଳାଚଳ ନକରିବାକୁ ନିଷ୍ପତ୍ତି ନେଇଛି।