ମୋଦି ଓଡ଼ିଶା ଆସିବେ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶା ଗସ୍ତରେ ଆସିବେ। ମେ&rsquo; ୨୬ ତାରିଖରେ ସେ ଏଠାକୁ ଆସିବେ। କେନ୍ଦ୍ର ସରକାରଙ୍କ ୪ ବର୍ଷ ପୂର୍ତ୍ତି ଅବସରରେ ସେ ଓଡ଼ିଶା ଆସୁଥିବା ଜଣାପଡ଼ିଛି। ଏହି ଅବସରରେ ସେ ବିଭିନ୍ନ କାର୍ଯ୍ୟକ୍ରମରେ ଯୋଗଦେବାର ଯୋଜନା ରହିଛି। ଏନେଇ ଆଜି ସୂଚନା ଦେଇଛନ୍ତି ବିଜେପିର ରାଜ୍ୟ ପ୍ରଭାରୀ ଅରୁଣ ସିଂହ।</p> <p>ଏ ସଂପର୍କରେ ସୂଚନା ଦେଇ କହିଛନ୍ତି,&ldquo;ମୋଦି ସରକାରଙ୍କର ୪ ବର୍ଷ ପୂର୍ତ୍ତି ହେବାକୁ ଯାଉଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମେ&rsquo; ୨୬ରେ ଓଡ଼ିଶାକୁ ଆସୁଛନ୍ତି। ସେ ଓଡ଼ିଶା ଆସିବାକୁ ଇଚ୍ଛା ପ୍ରକାଶ କରିଛନ୍ତି। ଆଉ ଆମ ଅନୁରୋଧକୁ ମଧ୍ୟ ରକ୍ଷା କରିଛନ୍ତି। ତାଙ୍କ ଗସ୍ତ ସମୟରେ ବିଶାଳ ଜନସମାବେଶ ଆୟୋଜନ ହେବାର କାର୍ଯ୍ୟକ୍ରମ ରହିଛି।&rdquo;</p> <p>ଅରୁଣ ସିଂହ କହିଛନ୍ତି,&ldquo;ସାରା ଓଡ଼ିଶା ଯେପରି ଭାବରେ ମୋଦିମୟ ହୋଇଛି। ଆଗାମୀ ଦିନରେ ଏହାର ପ୍ରଭାବ ବହୁତ ବେଶୀ ପଡ଼ିବ। ଓଡ଼ିଶାରେ&nbsp; ବିଜେପି ସରକାର କରିବା ଏକ ପ୍ରକାର ସୁନିଶ୍ଚିତ। ମୋଦି ଓଡ଼ିଶାକୁ ବହୁତ ଭଲ ପାଆନ୍ତି। ତେଣୁ ମୋଦି ସବୁବେଳେ ଅନ୍ୟ ରାଜ୍ୟ ଅପେକ୍ଷା ଓଡ଼ିଶାକୁ ଅଗ୍ରାଧିକାର ଦେଇଥାନ୍ତି।&rdquo;</p> <p>ବିଜେପି ରାଜ୍ୟ ସଭାପତି ବସନ୍ତ ପଣ୍ଡା କହିଛନ୍ତି ଯେ କଟକରେ ଆୟୋଜିତ ହେବାକୁ ଥିବା କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଯୋଗ ଦେବେ।</p> <p>ଗତବର୍ଷ ଏପ୍ରିଲ୍ ମାସରେ ବି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶା ଗସ୍ତରେ ଆସିଥିଲେ। ସେ ବିଜେପିର କେନ୍ଦ୍ରୀୟ କାର୍ଯ୍ୟକାରିଣୀ ବୈଠକରେ ଯୋଗ ଦେବା ପାଇଁ ଆସିଥିଲେ।</p>