ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଝାରସୁଗୁଡ଼ା (ଭାଗୀରଥି ସାହୁ): ‘ମୋଦି ଓ ଅମିତ ଶାହା ୨ଟି ଲୋକ ଦେଶକୁ ଚଳାଉଛନ୍ତି। ପ୍ରଥମ ସେବକ ହେବାକୁ କହି ମୋଦି ଭୋଟ୍‌ ମାଗିଲେ। ଭୋଟ ପାଇବା ପରେ ସେ କିଛି କରୁ ନାହାଁନ୍ତି। ମୋଦି ସେବକ ନୁହଁନ୍ତି, ଚୋର।’</p> <p>ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିଷୟରେ ଏମିତି ବିବାଦୀୟ ମନ୍ତବ୍ୟ ଦେଇଛନ୍ତି କଂଗ୍ରେସ ନେତା ତଥା ଓଡ଼ିଶା ଦାୟିତ୍ୱରେ ଥିବା ଏଆଇସିସି ସଂପାଦକ ଶେକ୍‌ ମସ୍ତାନ ଭଲି।</p> <p>ଓଡ଼ିଶା ପ୍ରଦେଶ କଂଗ୍ରେସର ନୂଆ କମିଟି ଗଠନ ହେବା ପରେ ଗତକାଲି ଝାରସୁଗୁଡ଼ାରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ଏଥିରେ ଯୋଗ ଦେବା ଅବସରରେ ଶେକ୍ ମସ୍ତାନ ଏଭଳି ମନ୍ତବ୍ୟ ଦେଇଥିଲେ।</p> <p>ସେ ଆହୁରି କହିଥିଲେ,“ଦେଶର ସମ୍ବିଧାନ ଦୁର୍ବଳ ହେଉଛି। ଦଳିତଙ୍କ ଉପରେ ଆକ୍ରମଣ ବଢ଼ିଛି। ଦେଶରେ ବେରୋଜଗାରୀ ବଢିଛି। ବଞ୍ଚିବା ବିଷମ ହେଲାଣି।”</p> <p>ଏହା ସହିତ ମହାନଦୀ ପ୍ରସଙ୍ଗରେ ସେ ଉଭୟ ବିଜେଡି ଓ ବିଜେପିକୁ ଦାୟୀ କରିଛନ୍ତି ମୁସ୍ତାନ। ବିଜେଡିକୁ ଟାର୍ଗେଟ କରି ସେ କହିଥିଲେ,“ ବିଜେଡି ହେଉଛି କଂଗ୍ରେସର ବି ଟିମ୍‌। ବିଜେଡି କଂଗ୍ରେସରୁ ବାହାରିଛି।” ସେ କହିଥିଲେ ଯେ କଂଗ୍ରେସ ଏକ ଲହରୀ ସୃଷ୍ଟିକାରୀ ନଦୀ। ଏହା ପୁଣି ଲହରୀ ଖେଳାଇବ।</p> <p>ଭିଡିଓରେ ଦେଖନ୍ତୁ ଶେକ୍ ମସ୍ତାନ କ’ଣ ସବୁ କହିଛନ୍ତି-</p> <p>ବିଜେଡିକୁ କଂଗ୍ରେସର ବି ଟିମ୍ ବୋଲି ଶେକ୍ ମୁସ୍ତାନ ଦେଇଥିବା ମନ୍ତବ୍ୟ ଉପରେ କଡ଼ା ପ୍ରତିକ୍ରିୟା ରଖିଛନ୍ତି ବିଜେଡି ନେତା କିଶୋର ମହାନ୍ତି। ସେ କହିଛନ୍ତି,“ବିଜେଡି କେବେ କଂଗ୍ରେସର ବି ଟିମ୍ ନୁହେଁ। କଂଗ୍ରେସ ଛାଡ଼ି ଲୋକେ ବିଜେଡିରେ ଯୋଗ ଦେଉଛନ୍ତି। ବିଜେଡି ନିଜ ଗୋଡ଼ରେ ନିଜେ ଠିଆ ହୋଇଛି। କଂଗ୍ରେସ ବରଂ ଅନେକ ରାଜ୍ୟରେ ବି ଟିମ୍ ହୋଇଗଲାଣି।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
