ଶେଜରେ ଶୋଇଥିବା ୧୫ ଦିନର ଶିଶୁପୁତ୍ରକୁ କେମିତି ଟେକିନେଲା ମାଙ୍କଡ଼, ପଢନ୍ତୁ ପୂରା ଘଟଣାକ୍ରମ

<p>କଟକ,(ଓଡ଼ିଶା ରିପୋର୍ଟର): ଶୋଇଥିବାବେଳେ ବିଛଣା ଉପରୁ କଅଁଳ ପିଲାକୁ ଟେକିନେଲା ପାତି ମାଙ୍କଡ଼। ଚାହୁଁ ଚାହୁଁ କୁଆଡ଼େ ଉଭାନ୍ ହୋଇଗଲା ଯେ, କୌଣସି ପତ୍ତା ମିଳୁନି। କଟକ ଜିଲ୍ଲା ବାଙ୍କି ଥାନା ତାଳବସ୍ତ ଗାଁରେ ଘଟିଛି ଏହି ଅଭାବନୀୟ ଘଟଣା। &nbsp;ସେପଟେ ବନବିଭାଗ ଜାରି ରଖିଛି ସର୍ଚ୍ଚ ଅପରେସନ୍ । ଘଟଣାକୁ ବିତିଗଲାଣି ୧୨ରୁ ୧୫ ଘଣ୍ଟା । ତଥାପି ଏଯାଏଁ ଠାବ କରାଯାଇପାରୁନି ଏହି ଶିଶୁପୁତ୍ରକୁ । ସେପଟେ ପୁଅକୁ ଠାବ ପାଇଁ କାଳିସୀ ବୁଲୁଥିବାବେଳେ ଏବେ ଆତଙ୍କ ଖେଳିଯାଇଛି ସ୍ଥାନୀୟ ଅଞ୍ଚଳରେ।</p> <p>ଅନ୍ୟପଟେ ସଙ୍କଟମୋଚକ ହନୁମାନଙ୍କ ମନ୍ଦିର ଦୁଆରେ ଅଧିଆ ପଡ଼ିଛନ୍ତି ବାପା ।&nbsp; ପୁଅକୁ ବାହୁନି ବାହୁନି ଶୁଖିଗଲାଣି ମା&rsquo; ଆଖିର ଲୁହ। &nbsp;ଆଉ ଏପଟେ ସେହି କଅଁଳ ପିଲାକୁ ଖୋଜୁଛି କାଳିସୀ । କାରଣ ଘର ଅଗଣାରେ ଶୋଇଥିବାବେଳେ ବିଛଣା ଉପରୁ ତାଙ୍କର ୧୫ ଦିନର ଶିଶୁପୁତ୍ରକୁ ଟେକିନେଇଛି ପାତି ମାଙ୍କଡ। &nbsp;ଆଜି ସକାଳ ପ୍ରାୟ ସାଢ଼େ ୬ ଟା ବେଳେ କଟକ ଜିଲ୍ଲା ବାଙ୍କୀ ଥାନା ତାଳବସ୍ତ ଗାଁରେ ବାପା, ମାଙ୍କ ମଝିରେ ଶୋଇଥିଲା କଅଁଳ ପିଲାଟି। &nbsp;ତେବେ ରାତି ପାହିବା ପରେ ବିଛଣା ଛାଡ଼ି ଶୌଚ ପାଇଁ ଯାଇଥିଲେ ଶିଶୁପୁତ୍ରର ମା&rsquo; । &nbsp;ଠିକ୍ ଏହି ସମୟରେ ହଠାତ୍ ଘରକୁ ପଶି ଆସିଲା ଏକ ପାତିମାଙ୍କଡ଼। ଆଉ ବିଛଣାରୁ ଏହି କଅଁଳ ପିଲାକୁ ଟେକି ନେଇ କୁଆଡ଼େ ଚମ୍ପଟ ମାରିଥିଲା ।</p> <p>ସବୁଠୁ ବଡ଼ ଦୁଃଖଦାୟକ ଘଟଣା ହେଉଛି, ଶିଶୁଟି ଜନ୍ମପରଠୁ ଠିକ୍ ସେ କାନ୍ଦି ପାରୁ ନ ଥିଲା ଏଥିପାଇଁ କିଛି ଦିନ ତଳୁ ତାର ଡାକ୍ତରୀ ଚିକିତ୍ସା ମଧ୍ୟ କରାଯାଉଥିଲା। &nbsp;ତେଣୁ ମାଙ୍କଡ଼ ନେଇଯିବା ପରେ ଶିଶୁର ଅବସ୍ଥା ଜାଣିବା ମୁସ୍କିଲ ହୋଇପଡ଼ିଛି। ଅନ୍ୟପଟେ ନିଖୋଜ ଶିଶୁକୁ ଠାବ ପାଇଁ ଦିନତମାମ୍ ଲାଗିପଡ଼ିଥିଲା ବନବିଭାଗ। &nbsp;କିଏ ଘର ଛାତ ଉପରେ ଚଢ଼ିକି ତ&rsquo; ଆଉ କିଏ ଜଙ୍ଗଲ ଭିତରେ ଗଛ ଉପରେ ନିଖୋଜ ପିଲାକୁ ଠାବ ପାଇଁ ଉଦ୍ୟମ କରୁଛନ୍ତି। &nbsp;ତାଳବସ୍ତ ଅଞ୍ଚଳରେ ୩୦ ଜଣ ବନକର୍ମଚାରୀଙ୍କୁ ନେଇ ଗଠିତ ୩ ଜଣିଆ ଟିମ୍ ଆଜି ଦିନତମାମ୍ କରିଛନ୍ତି ଏଭଳି ସର୍ଚ୍ଚ ଅପରେସନ ।&nbsp; ହେଲେ ଏଯାଏଁ ପୁଅର ପତ୍ତା ମିଳିନି।</p>