ବାରିପଦା(ମାଣିକ ଲାଲ ପାଣି): ଜିଏସ୍ଟି କର ଫାଙ୍କୁଥିବା ଅଭିଯୋଗରେ ମୟୂରଭଞ୍ଜ ଜିଲ୍ଲାର ରରୁଆଁଠାରେ ଥିବା ଏକ ଗୁଟଖା କମ୍ପାନୀ ଉପରେ ଏକ କୋଟି ୧୧ ହଜାର ଟଙ୍କାର ଫାଇନ୍ ହୋଇଛି। ରାଜ୍ୟ ଜିଏସ୍ଟି ଏନ୍ଫୋର୍ସମେଣ୍ଟ ଟିମ୍ ସମେତ ଅନୁଗୁଳ,ଯାଜପୁର , ବାଲେଶ୍ୱର ,କଟକ ଜିଲ୍ଲାର ଜିଏସ୍ଟି ଏନ୍ଫୋର୍ସମେଣ୍ଟ ଟିମ୍ ଏକକାଳୀନ ଏହି ଚଢ଼ାଉ କରିଥିଲେ।
ସୂଚନାଯୋଗ୍ୟ, ମୟୂରଭଞ୍ଜ ଜିଲ୍ଲାର ଜଣେ ପ୍ରତିଷ୍ଠିତ ବ୍ୟକ୍ତିଙ୍କ ଅଫିସ୍ ଏବଂ ଗୋଦାମ ଉପରେ ରାଜ୍ୟ ଜିଏସ୍ଟି ଏନ୍ଫୋର୍ସମେଣ୍ଟ ଟିମ୍ ଗତ ଗୁରୁବାର ଓ ଶୁକ୍ରବାର ଚଢାଉ କରିଥିଲା। ଶ୍ରୀ ଉଦ୍ୟୋଗ, ଜଗନ୍ନାଥ ଟ୍ରେଡର, ଓମ୍ ଇଣ୍ଡଷ୍ଟ୍ରି ସମେତ ୪ଟି ସ୍ଥାନରେ ଟିମ୍ ଚଢାଉ କରିଥିଲା । ଚଢାଉ ବେଳେ ବ୍ୟାପକ ଗୁଟଖା କାରବାର ସହ ଲୁହା ରଡ଼, ସିମେଣ୍ଟ, ଇଟା ଆଦି କାରବାର ହେଉଥିବା ଜଣା ପଡ଼ିଥିଲା।
କିନ୍ତୁ ଏସବୁ କାରବାରରେ ବ୍ୟବସାୟୀଜଣକ ଜିଏସ୍ଟି କର ଫାଙ୍କୁଥିବା ଜଣା ପଡିବା ପରେ ଏପରି ଫାଇନ୍ ଲାଗୁ କରାଯାଇଛି । ସମ୍ପୃକ୍ତ ବ୍ୟବସାୟୀଙ୍କ ମହିଳା ଏବଂ ତାଙ୍କ ପୁଅଙ୍କ ନାମରେ ଏ ସବୁ କାରବାର ଚାଲୁଥିବା ଚଢାଉ ବେଳେ ଜଣାପଡ଼ିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
