ଭୁବନେଶ୍ୱର (ଓଡ଼ିଶା ରିପୋର୍ଟର): ପ୍ରଦେଶ କଂଗ୍ରେସ ସଭାପତି ପ୍ରସାଦ ହରିଚନ୍ଦନଙ୍କ ମା’ ବିମଳା ହରିଚନ୍ଦନଙ୍କର ଗତକାଲି ସନ୍ଧ୍ୟାରେ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୮୬ ବର୍ଷ ହୋଇଥିଲା। ସେ ଦୀର୍ଘଦିନ ଧରି ବାର୍ଦ୍ଧକ୍ୟଜନିତ ରୋଗରେ ପୀଡ଼ିତ ହୋଇ ଚିକିତ୍ସାଧୀନ ଥିଲେ। ତାଙ୍କର ଦୁଇ ପୁଅ ଓ ତିନି ଝିଅ ଅଛନ୍ତି। ପ୍ରସାଦ ହେଛନ୍ତି ତାଙ୍କ ଜ୍ୟେଷ୍ଠ ପୁଅ।
ବିମଳା ହରିଚନ୍ଦନ ଖୋର୍ଦ୍ଧା ସହର ଅନ୍ତର୍ଗତ ଉପରସାହିରେ ଜନ୍ମ ହୋଇଥିଲେ। ସେ ଜଣେ ଧର୍ମପରାୟଣା ଓ ପରୋପକାରୀ ମହିଳା ଥିଲେ। କିଛି ବର୍ଷ ପୂର୍ବରୁ ତାଙ୍କ ସ୍ୱାମୀ ବିଶିଷ୍ଟ ସାହିତ୍ୟିକ ଫକୀର ହରିଚନ୍ଦନଙ୍କର ପରଲୋକ ହୋଇଥିଲା।