ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଉଦଳା(ମାନସ ପାଣି):ମା’ ସର୍ବସଂହା। ମା’ ଧୈର୍ଯ୍ୟମୟୀ। ସନ୍ତାନର ଟିକିଏ କଷ୍ଟ ସହି ପାରୁ ନଥିବା ଏବଂ ପ୍ରତି ମୁହୂର୍ତ୍ତରେ ପିଲାର ମଙ୍ଗଳ ମନାସୁଥିବା ମଣିଷ ହେଉଛି ମା’। ଯିଏ ଜୀବନର ସକଳ ଯନ୍ତ୍ରଣାକୁ ଜଳାଞ୍ଜଳି ଦେଇ ସବୁବେଳେ ତା’ ସନ୍ତାନ ଓଠରେ ହସ ଟିଏକି ଫୁଟାଇବା ପାଇଁ ଦିନ-ଦିନ, ମାସ-ମାସ ଏବଂ ବର୍ଷ ବର୍ଷ ଅବିଶ୍ରାନ୍ତ ଭାବେ କେବଳ କାମ କରି ଚାଲିଥାଏ। ଆଜି ମାତୃ ଦିବସରେ ସେହିଭଳି ଜଣେ ମା’ଙ୍କୁ ଭେଟିବା ଯାହାଙ୍କ ନାଁ ଭଗବତୀ ସାହୁ।</p> <p>ବୟସ ୬୦ ଟପିଲାଣି ହେଲେ ଥକି ଯାଇନି ହାତ କି ପାଦ। ଏ ବୟସରେ ବି ଖୁବ୍ ଚଳଚଞ୍ଚଳ ସେ। କାରଣ ତାଙ୍କରି ଉପରେ ହିଁ ନିର୍ଭର କରୁଛି ଦୁଇ ଦୁଇଟି ବଢ଼ିଲା ପୁଅଙ୍କ ଜୀବନ। ମୟୂରଭଞ୍ଜ ଜିଲ୍ଲା ଉଦଳା ବ୍ଲକ୍ ଶିରିପୁର ଗାଁର ଏହି ମହିଳା ଜଣକ ହେଉଛନ୍ତି ଭଗବତୀ ସାହୁ। ଭଗବତୀଙ୍କ ଦୁଇ ପୁଅ ଦିବ୍ୟାଙ୍ଗ। ଉଭୟ ଶାରିରୀକ ଓ ମାନସିକ ଭାବେ ଅନଗ୍ରସର। ପିଲାଙ୍କ ସେବା କି ସ୍ନେହରେ କେବେ ବି ହେଳା କରନ୍ତିନି ଭଗବତୀ। ସକାଳୁ ସଞ୍ଜ ଯାଏଁ ସେମାନଙ୍କ ଦେଖାଶୁଣାରେ ହିଁ ବିତିଯାଏ ତାଙ୍କ ଜୀବନ। ଦୁଇ ଦୁଇ ଜଣ ଅକ୍ଷମ ପୁଅଙ୍କ ଅଳି ଅର୍ଦ୍ଦଳି, ସେବାରେ ଯେମିତି ଦିନ ଓ ରାତି ଭୁଲି ଯାଆନ୍ତି ସେ।<a href="">(image) </a></p> <p>ଭଗବତୀଙ୍କ ବଡ଼ ପୁଅର ବୟସ ପ୍ରାୟ ୨୮। ଗୋଡ଼ର ଶିରା ପ୍ରଶିରା କାମ କରୁ ନଥିବାରୁ ସେ ଅକ୍ଷମ। ସେହିପରି ସାନ ପୁଅର ବୟସ ୨୫। ଜନ୍ମରୁ ପୋଲିଓ ଆକ୍ରାନ୍ତ ଯୋଗୁଁ ସବୁବେଳେ ଭୂଇଁରେ ଲୋଟୁଛି। ଏପରି ଅବସ୍ଥାରେ ଆଜିକୁ ୧୨ ବର୍ଷ ତଳେ ସ୍ୱାମୀଙ୍କୁ ହରାଇଛନ୍ତି ସେ। ଦୁଃଖର ବୋଝ ଉପରେ ବୋଝ ବୋହି କିନ୍ତୁ ଥକି ଯାଇ ନାହାନ୍ତି ଭଗବତୀ। ସମ୍ପତ୍ତି ବୋଲି ନୂଆଣିଆ ଝାଟିମାଟି ଚାଳ ଛପର ଘର। ଦୁଇ ଓଳି ଖାଇବାକୁ ଦୈନିକ ସଂଘର୍ଷ କରିବାକୁ ପଡ଼େ ତାଙ୍କୁ। ହେଲେ ତା’ ଭିତରେ ବି ନିଜ ପିଲାଙ୍କ ପେଟକୁ ଦାନା ଯୋଗାଡ଼ରେ କେବେ ହେଳା କରି ନାହାନ୍ତି ସେ।</p> <p>https://www.youtube.com/watch?v=AwTtki8MdGw</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
