ବାଲେଶ୍ୱର:(ଓଡ଼ିଶା ରିପୋର୍ଟର): ବାଲେଶ୍ୱର ସଦର ଥାନା ରାଇସୁଆଁ ଗାଁର ମହିଳାଙ୍କୁ ହତ୍ୟାର ପର୍ଦ୍ଦାଫାସ୍ କଲା ସଦର ଥାନା ପୁଲିସ। ମହିଳାଙ୍କୁ ତାଙ୍କ ମା ହିଁ ସୁପାରୀ ଦେଇ ମାରିଥିବା କହିଲା ପୁଲିସ । ମହିଳାଙ୍କ ମା ଏବଂ ଜଣେ ସୁପାରୀ କିଲରକୁ ଗିରଫ କଲା ପୁଲିସ। ହତ୍ୟାର ଶିକାର ହୋଇଥିବା ମହିଳା ହେଛନ୍ତି ଶିବାନୀ ନାୟକ (୩୬)। ଗିରଫ ଅଭିଯୁକ୍ତ ହେଲେ ଶିବାନୀଙ୍କ ମା ସୁକୁରୀ ଗିରି ଏବଂ ସୁପାରୀ ନେଇଥିବା ଅଭିଯୁକ୍ତ ପ୍ରମୋଦ ଜେନା। ଏନେଇ ପୁଲିସ ସୂଚନା ଦେଇଛି।
ସୂଚନା ଅନୁଯାୟୀ, ଶିବାନୀ ନାୟକଙ୍କ ବାପ ଘର ହେଉଛି ବାଲେଶ୍ୱର ସଦର ଥାନା ରାଇସୁଆଁ ଗାଁରେ । ମହିଳା ଜଣକ ସେଇ ସଦର ଥାନା ଏରିଆରେ ବିବାହ କରିଥିଲେ। ମହିଳା ଜଣକ ଶ୍ୱଶୁର ଘର ଛାଡ଼ି ବାପଘର ପାଖରେ ରହୁଥିଲେ। ଶିବାନୀ ପାନ ଦୋକାନ କରିଥିଲେ। ତାଙ୍କର ଦୁଇ ଜଣ ଝିଅ ଛନ୍ତି। ତେବେ ଶିବାନୀ ମଦ ବେପାର କରୁଥିବାରୁ ତାଙ୍କ ମା ସୁକୁରୀ ତାଙ୍କୁ ବାରମ୍ବାର ବାରମ୍ବାର ତାଗିଦ କରିଥିଲେ। ବାରଣ ସତ୍ତ୍ୱେ ନମାନିବାରୁ ଝିଅକୁ ହତ୍ୟା ଯୋଜନା କରିଥିଲେ ମା। ରାଇସୁଆଁର ପ୍ରମୋଦ ଜେନାକୁ ହତ୍ୟା ପାଇଁ ସୁପାରୀ ଦେଇଥିଲେ ମ॥ ହତ୍ୟା ପାଇଁ ୫୦ ହଜାର ଡିଲ୍ ହୋଇଥିଲା। ୮ ହଜାର ଅଗ୍ରୀମ ଦେଇଥିଲେ। ଘଟଣା ଦିନ ପ୍ରମୋଦ ସହ ୩ ଜଣ ଶିବାନୀଙ୍କୁ ଛେଚି ହତ୍ୟା କରିଥିଲେ। ହତ୍ୟା ପରେ ଶବକୁ ନଗ୍ରମ ଗାଁ ପୋଲତଳୁ ଫିଙ୍ଗି ପଳାଇଥିଲେ ୩ ଅଭିଯୁକ୍ତ।