୨୧ରେ ଖୋଲିବ ନନ୍ଦନକାନନ

ଭୁବନେଶ୍ୱର(ଓଡ଼ିଶା ରିପୋର୍ଟର) : ବାତ୍ୟା ‘ଫୋନି’ରେ କ୍ଷତିଗ୍ରସ୍ତ ହୋଇ ବନ୍ଦ ରହିଥିବା ନନ୍ଦନକାନନ ଚଳିତମାସ ୨୧ତାରିଖରୁ ପୁଣିଥରେ ସର୍ବସାଧାରଣଙ୍କ ପାଇଁ ଉନ୍ମୁକ୍ତ ହେବ ବୋଲି ଜଣାପଡ଼ିଛି। ଏହାବ୍ୟତୀତ ଭୁବନେଶ୍ୱରସ୍ଥିତ ଜୟଦେବ ବାଟିକା ଆସନ୍ତାକାଲିଠୁ ଖୋଲିବାକୁ ଥିବାବେଳେ ଏକାମ୍ର କାନନକୁ ପୁଣିଥରେ ସର୍ବସାଧାରଣଙ୍କ ପାଇଁ ଖୋଲିଦିଆଯାଇଥିବା ରାଜ୍ୟ ସରକାରଙ୍କ ପକ୍ଷରୁ ସୂଚନା ଦିଆଯାଇଛି।

ରାଜ୍ୟ ଜଙ୍ଗଲ ଓ ପରିବେଶ ବିଭାଗର ପ୍ରାଥମିକ ଆକଳନ ରିପୋର୍ଟ ଅନୁସାରେ ‘ଫୋନି’ ବାତ୍ୟାରେ ବିଭାଗର ମୋଟ ୫୩୭କୋଟି ଟଙ୍କାର ସମ୍ପତ୍ତି କ୍ଷତି ହୋଇଛି । ଜଙ୍ଗଲ ଓ ଅଭୟାରଣ୍ୟ ଅଞ୍ଚଳରେ ପ୍ରାୟ ୯ଲକ୍ଷ ଗଛ ଭାଙ୍ଗିଥିବାବେଳେ ଜଙ୍ଗଲ ଅଞ୍ଚଳ ବାହାରେ ୫ଲକ୍ଷ ଗଛ ନଷ୍ଟ ହୋଇଛି। ୮ଲକ୍ଷ ଚାରା ମଧ୍ୟ ନଷ୍ଟ ହୋଇଛି। ‘ଫୋନି’ ବାତ୍ୟାରେ ନନ୍ଦନକାନନରେ ବ୍ୟାପକ କ୍ଷୟକ୍ଷତି ହୋଇଥିଲେ ମଧ୍ୟ କୌଣସି ବନ୍ୟପ୍ରାଣୀ ପ୍ରାଣ ହରାଇଥିବାର ପ୍ରମାଣ ମିଳିନି।