ବିଜେପି ଛାଡ଼ିବା ପରେ ନବୀନଙ୍କୁ ଭେଟିଲେ ନାରାୟଣ: ୩ରେ ବିଜେଡିରେ ହେବେ ସାମିଲ

<p>ଭୁବନେଶ୍ୱର: ବିଜେପିରୁ ଇସ୍ତଫା ଦେଇ ବରଗଡ଼ ବିଜେପି ଜିଲ୍ଲା ସଭାପତି ନାରାୟଣ ସାହୁ ବିଜେଡିରେ ମିଶିଛନ୍ତି। ନାରାୟଣ ଆଜି ନବୀନ ନିବାସ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିବା ପରେ ବିଜେଡିରେ ମିଶିଥିବା ଘୋଷଣା କରିଛନ୍ତି। ଆସନ୍ତା ୩ ତାରିଖରେ ବିଜେପୁରରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ସେ ବିଧିବଦ୍ଧ ଭାବେ ବିଜେଡିରେ ଯୋଗ ଦେବେ ବୋଲି ସୂଚନା ଦେଇଛନ୍ତି।</p> <p>ନାରାୟଣ କହିଛନ୍ତି,&ldquo; ବିଜେଡିରେ ଯୋଗଦେଇ ମୁଁ ମୋର ପୁରୁଣା ଘରକୁ ଫେରିଛି। ବିଜେପିରେ ନୀତି ନୈତିକତା ନାହିଁ, ତ୍ୟାଗ ଓ ତପସ୍ୟାର ମୂଲ୍ୟ ଏଠାରେ କେହି ବୁଝନ୍ତି ନାହିଁ। ମୁଁ ଅଣନିଶ୍ୱାସୀ ହୋଇପଡ଼ିଥିଲି। ନବୀନଙ୍କ ଆଦର୍ଶରେ ଅନୁପ୍ରାଣିତ ହୋଇ ମୁଁ ବିଜେଡିରେ ମିଶିବାକୁ ନିଷ୍ପତ୍ତି ନେଇଛି।&rdquo;</p> <p>ବରଗଡ଼ ବିଜେପିର ଟାଣୁଆ ନେତା ତଥା ଜିଲ୍ଲା ସଭାପତି ଥିବା ନାରାୟଣ ସାହୁ ଆଜି ଦଳର ପ୍ରାଥମିକ ସଦସ୍ୟ ଓ ଜିଲ୍ଲା ସଭାପତି ପଦରୁ ଇସ୍ତଫା ଦେଇଥିବା ନିଜେ ସୂଚନା ଦେଇଥିଲେ। ନାରାୟଣ ସାହୁ ତାଙ୍କ ଇସ୍ତଫାପତ୍ର ଦଳର ରାଜ୍ୟ ସଭାପତି ବସନ୍ତ ପଣ୍ଡାଙ୍କ ନିକଟକୁ ପଠାଇଥିବା ବେଳେ ଦଳର କାର୍ଯ୍ୟଶୈଳୀରେ ଅସନ୍ତୋଷ ପ୍ରକାଶ କରି ଦଳ ଛାଡ଼ିଥିବା ଦର୍ଶାଇଥିଲେ।</p> <p>&amp;nbsp;</p> <p>&amp;nbsp;</p>