ମୋଦିଙ୍କ ଫଣ୍ଡାରେ ନବୀନ: ଶିଶୁ ଦିବସରେ ପିଲାଙ୍କୁ କହିବେ ମନର କଥା, ଟାର୍ଗେଟ କଲା ବିଜେପି

<p>ଭୁବନେଶ୍ୱର: ମୋଦିଙ୍କ ଷ୍ଟାଇଲରେ ନବୀନ।&nbsp; ପଂଚାୟତ ନିର୍ବାଚନ ପରେ ବଦଳିଥିବା ନବୀନ ଶିଶୁ ଦିବସରେ ଉଦ୍&zwnj;ବୋଧନ ଦେବେ। ଛାତ୍ରାଛାତ୍ରୀଙ୍କ ଆଗରେ କହିବେ ମନର କଥା। ଏଥିପାଇଁ ସ୍କୁଲଠୁ ସଚିବାଳୟ ପର୍ଯ୍ୟନ୍ତ ଚାଲିଛି ଜୋରଦାର&nbsp; ପ୍ରସ୍ତୁତି। &nbsp;&nbsp;&nbsp;ଗଣଶିକ୍ଷା ବିଭାଗ ମଧ୍ୟ ଜିଲ୍ଲା ଶିକ୍ଷା ଅଧିକାରୀଙ୍କୁ ଆକ୍ସନ୍&zwnj; ପ୍ଲାନ୍ ପ୍ରସ୍ତୁତ କରି ବିଭାଗ ପାଖରେ ଦାଖଲ କରିବାକୁ&nbsp; ଚିଠି ଲେଖିଛି । &nbsp;&nbsp;ତେବେ ଏଥିରେ ଲାଗିଛି ରାଜନୀତିର ରଂଗ। &nbsp;ନବୀନ ପଟ୍ଟନାୟକଙ୍କୁ&nbsp; ଶ୍ରେଷ୍ଠ ପ୍ରଶାସକ, ଆମ ସରକାର ଆମ ବିକାଶ ପ୍ରଭୃତି ବିଷୟରେ ସ୍କୁଲରେ ହେବାକୁ ଥିବା&nbsp; ବକ୍ତୃତା ପ୍ରତିଯୋଗିତାକୁ ନେଇ ଆପତ୍ତି ଉଠାଇ ରାଜ୍ୟ ସରକାରଙ୍କୁ ସମାଲୋଚନା କରିଛି ବିଜେପି। &nbsp;&nbsp;ସେପଟେ ବିଜେଡି ବି ଜବାବ୍ ରଖିଛି।</p><p>ଚଳିତ ବର୍ଷ ରାଜ୍ୟ ସରକାର ଭିନ୍ନ ଢଙ୍ଗରେ ପାଳନ କରୁଛନ୍ତି ଶିଶୁ ଦିବସ। &nbsp;&nbsp;ଏନେଇ ଗଣଶିକ୍ଷା ବିଭାଗ ପକ୍ଷରୁ ବ୍ୟାପକ ଆୟୋଜନ କରାଯାଇଛି। &nbsp;&nbsp;୧୪ ନଭେମ୍ବର ଶିଶୁଦିବସ ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ବାର୍ତ୍ତା ରଖିବେ। &nbsp;&nbsp;ଜିଲ୍ଲା, ସବ ଡିଭିଜନ୍, ବ୍ଲକ, ପଂଚାୟତ, ଗାଁରେ ଥିବା ସ୍କୁଲର ଛାତ୍ରଛାତ୍ରୀଙ୍କ ସହ ଭିଡିଓ କନଫରେସନ୍ସିଂ ମାଧ୍ୟମରେ ବାର୍ତ୍ତାଳାପ କରିବେ ମୁଖ୍ୟମନ୍ତ୍ରୀ । &nbsp;&nbsp;ଏନେଇ ଆକ୍ସନ ପ୍ଲାନ କରିବାକୁ ଜିଲ୍ଲା ଶିକ୍ଷା ଅଧିକାରୀମାନଙ୍କୁ କୁହଯାଇଛି।</p><p>ଶିଶୁ ଦିବସ ଦିନ ଛାତ୍ରଛାତ୍ରୀଙ୍କ ପାଇଁ&nbsp; କିଛି ସ୍କିମ୍ ଘୋଷଣା&nbsp; କରିପାରନ୍ତି ମୁଖ୍ୟମନ୍ତ୍ରୀ।&nbsp; ତେଣୁ &nbsp;&nbsp;&nbsp;ଏବେ ସ୍କୁଲରେ ଚାଲିଛି ନିବନ୍ଧ ଓ କବିତା ଲିଖନ&nbsp; ପ୍ରତିଯୋଗିତା। ପ୍ରତିଯୋଗିତାରେ ଭାଗ ନେଇଛନ୍ତି&nbsp;&nbsp; ଛାତ୍ରଛାତ୍ରୀ। &nbsp;&nbsp;ତେବେ ୮ ତାରିଖ ପୂର୍ବରୁ ସବୁ ପ୍ରକାର ପ୍ରତିଯୋଗିତା ଶେଷ କରିବାକୁ ଗଣଶିକ୍ଷା ବିଭାଗ ପକ୍ଷରୁ ସ୍କୁଲମାନଙ୍କୁ କୁହାଯାଇଛି।ପ୍ରଥମ ଥର ପାଇଁ ଶିଶୁ&nbsp; ଦିବସରେ&nbsp; ରାଜ୍ୟ ସରକାର ଏଭଳି ବ୍ୟପାକ ଆୟୋଜନ କରୁଛନ୍ତି ।</p><p>ଗଣଶିକ୍ଷା ବିଭାଗ ପକ୍ଷରୁ ଜିଲ୍ଲା ଶିକ୍ଷା ଅଧୀକାରୀଙ୍କୁ ଲେଖାଯାଇଥିବା ଚିଠିରେ ଶିଶୁ ଦିବସରେ କ&rsquo;ଣ କ&rsquo;ଣ କରାଯିବ ଉଲ୍ଲେଖ ରହିଛି।&nbsp; ତେବେ ଶିଶୁ ଦିବସ ଅବସରରେ ସ୍କୁଲରେ ଆୟୋଜନ ହେଉଥିବା&nbsp; ବକ୍ତୃତା ପ୍ରତିଯୋଗିତାକୁ ନେଇ ଉଠିଛି ପ୍ରଶ୍ନ । ଅଷ୍ଟମ ଶ୍ରେଣୀରୁ ଦଶମ ଶ୍ରେଣୀ&nbsp; ଛାତ୍ରଛାତ୍ର ପାଇଁ&nbsp; ବକ୍ତୃତାର&nbsp; ବିଷୟ ବସ୍ତୁ ରହିଛି &nbsp;&nbsp;ଆମ ସରକାର ଆମ ବିକାଶ, ମୁଖ୍ୟମନ୍ତ୍ରୀଙ୍କୁ ମିଳିଲା ସର୍ବଶ୍ରେଷ୍ଠ ପ୍ରଶାସକ ପୁରସ୍କାର।&nbsp; ଅନ୍ୟପଟେ ଲଙ୍କାରେ ହରି ଶଦ୍ଦ କହି ନବୀନ ପଟ୍ଟନାୟକଙ୍କୁ ସମାଲୋଚନା କରିଛି ବିଜେପି।&nbsp;&nbsp; ମୋଦିଙ୍କୁ ଅନୁକରଣ କରି ରାଜନୈତିକ ଉଦ୍ଦ୍ୟେଶ୍ୟ ରଖି ଏଭଳି କାଯର୍ୟକ୍ରମ କରାଯାଉଥିବା ଦଳ ଅଭିଯୋଗ କରିଛି। ପଂଚାୟତ ନିର୍ବାଚନ ପରେ ନବୀନ ପଟ୍ଟନାୟକଙ୍କ କାମ କରିବାର ତରିକା ବଦଳିଛି।&nbsp; ତେବେ ପକୃତରେ ଶିଶୁମାନଙ୍କ ପାଇଁ ଏହି କାର୍ଯ୍ୟକ୍ରମ ନା ରାଜନୈତିକ ଫାଇଦା ନେଇ ପାଇଁ ଏହି କାଯର୍ୟକ୍ରମ ତାକୁ ନେଇ ବି ଚର୍ଚ୍ଚା ଲାଗି ରହିଛି&nbsp;&nbsp; ତେବେ ଶିଶୁ ଦିବସରେ ମୁଖ୍ୟମନ୍ତ୍ରୀ କ&rsquo;ଣ ବାର୍ତ୍ତା ଦେଉଛନ୍ତି ତାକୁ ଅପେକ୍ଷା।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।