ଗଞ୍ଜେଇକୁ ଅସ୍ତ୍ର କରି ଅର୍ଥ ଯୋଗାଡ଼ରେ ଲାଗିଛନ୍ତି ମାଓବାଦୀ

<p>ମାଲକାନଗିରି (ଓଡ଼ିଶା ରିପୋର୍ଟର): ଗଞ୍ଜେଇକୁ ଅସ୍ତ୍ର କରି ଅର୍ଥ ଯୋଗାଡ଼ରେ ଲାଗିଛନ୍ତି ମାଓବାଦୀ। କେତେବେଳେ ଲୁଣ ବୋଝେଇ ଗାଡ଼ିରେ ତ ଆଉ କେତେବେଳେ ତେଲ ଟ୍ୟାଙ୍କର ଓ କଣ୍ଟେନରରେ ଗଞ୍ଜେଇ ଚାଲାଣ କରୁଛନ୍ତି। ମାଓପ୍ରବଣ ମାଲକାନଗିରିର ବିଚ୍ଛିନ୍ନାଞ୍ଚଳରୁ ନୂଆ ନୂଆ ଉପାୟରେ ଗଞ୍ଜେଇ ଚାଲାଣ ହେଉଛି। ଗତକାଲି ଆଉ ଏକ ତରିକାରେ ଚାଲାଣ କରୁଥିବା ବେଳେ ଧରାପଡ଼ିଛି ଗଞ୍ଜେଇ।</p> <p>ପଇଡ଼ ବୋଝେଇ ଟ୍ରକ୍&zwnj;ରେ ଚାଲାଣ ହେଉଥିଲା ବସ୍ତା ବସ୍ତା ଗଞ୍ଜେଇ। ମାଲକାନଗିରିରୁ ପଞ୍ଜାବ ଭାୟା ରାୟପୁର ଦେଇ ଚାଲାଣ ହେଉଥିଲା ଗଞ୍ଜେଇ। ଛତିଶଗଡ଼ ସେଷ୍ଟ୍ରାଲ ଏକ୍&zwnj;ସାଇଜ୍&zwnj; ଡିପାର୍ଟମେଣ୍ଟର ଏକ ଟିମ୍&zwnj; ଜାଣିପାରି ଟ୍ରକକୁ ଟକାଇଥିଲା। ସେଥିରୁ ୬,୫୪୫ କିଲୋ ଗଞ୍ଜେଇ ଜବତ କରିଥିଲା। ଯାହାର ମୂଲ୍ୟ ପ୍ରାୟ ୧୦ କୋଟିରୁ ଅଧିକ ଟଙ୍କା ହେବ। ଛତିଶଗଡ଼ରେ ଏକକାଳିନ ଏତେ ପରିମାଣର ଗଞ୍ଜେଇ ଜବତ ହେବା ପ୍ରଥମ ଘଟଣା ବୋଲି ଜଣାପଡ଼ିଛି।</p> <p>ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ ଜଏଣ୍ଟ ଡାଇରେକ୍ଟର ଜି. କେ. ପତି କହିଛନ୍ତି-&ldquo;ଗଞ୍ଜେଇ ଛଡ଼ା ଅନ୍ୟାନ୍ୟ ନିଶାଦ୍ରବ୍ୟ ଚାଷ କରାଯାଉଛି। ଏଥିରୁ ଅଧିକ ଲାଭ ମିଳୁଥିବାରୁ ଲୋକେ ବେଶୀ ପରିମାଣରେ ଚାଷ କରୁଛନ୍ତି।&rdquo;</p> <p>ମାଲକାନଗିରି ଜିଲ୍ଲା ବିଚ୍ଛିନ୍ନାଞ୍ଚଳରେ ଏତେ ପରିମାଣର ଗଞ୍ଜେଇ ଚାଲାଣ ପଛର ରହସ୍ୟ କଣ? କାରଣ ପୋଲିସ୍ ପ୍ରଶାସନଠୁ ବେଶ୍ ଅପହଞ୍ଚ ଏହି ଅଞ୍ଚଳ। ଯାହାଫଳରେ ମାଓବାଦୀମାନେ ନିର୍ଭୟରେ ଗଞ୍ଜେଇ ଚାଷ କରୁଛନ୍ତି। ଆଉ ବେପାରୀମାନଙ୍କ ମଧ୍ୟରେ ପଡ଼ୋଶୀ ରାଜ୍ୟକୁ ଚାଲାଣ କରାଯାଉଛି।</p> <p>କେବଳ ମାଲକାନଗିରି ନୁହେଁ, କନ୍ଧମାଳ, ବୌଦ୍ଧ, ରାୟଗଡ଼ା, କୋରାପୁଟ ଭଳି ମାଓ ଅଧ୍ୟୁଷିତ ରାଜ୍ୟର ୧୦ଟି ଜିଲ୍ଲାରେ ବ୍ୟାପକ ଭାବେ ଗଞ୍ଜେଇ ଚାଷ ହେଉଛି। ପୋଲିସ୍ ଡିଜିଙ୍କ ସୂଚନା ଅନୁଯାୟୀ, ଗତବର୍ଷ ସର୍ବାଧିକ ୪ ହଜାର ୫ ଶହ ଏକର ଜମିରେ ଗଞ୍ଜେଇ ଚାଷକୁ ନଷ୍ଟ କରାଯାଇଛି। ଆଗକୁ ଏହି ଅଭିଯାନକୁ ଜୋରଦାର କରାଯିବ।</p>