ଫୁଲବାଣୀ(ତ୍ରୀନାଥ ସାହୁ): କନ୍ଧମାଳ ଜିଲ୍ଲା ଚକାପାଦ ଥାନା ଲେଙ୍ଗେରିମୁଣ୍ଡା ଜଙ୍ଗଲରେ ଗତକାଲି ଏକ ନକ୍ସଲ କ୍ୟାମ୍ପ ଧ୍ୱଂସ କଲେ ସୁରକ୍ଷା କର୍ମୀ । SOG ଓ DVF ମିଳିତ ଚଢ଼ାଉ ପରେ ଏପରି ବଡ଼ ଧରଣର କାର୍ଯ୍ୟାନୁଷ୍ଠାନ ନିଆଯାଇଛି।
ପ୍ରଥମେ ସୁରକ୍ଷାକର୍ମୀଙ୍କ ଉପରକୁ ମାଓବାଦୀ ଗ୍ରେନେଡ୍ ମାଡ଼ ଓ ଗୁଳି ଚଳାଇଥିଲେ । ଫଳରେ ସୁରକ୍ଷା କର୍ମୀଙ୍କ ପାଲଟା ଆକ୍ରମଣରେ ମାଓବାଦୀମାନେ ଛତ୍ରଭଙ୍ଗ ଦେଇଛନ୍ତି । ଘଟଣାସ୍ଥଳରୁ ବିପୁଳ ପରିମାଣର ମାଓ ସାମଗ୍ରୀ ଜବତ କରାଯାଇଛି।
ଏ ସମ୍ପର୍କରେ ଏସ୍ପି କହିଛନ୍ତି, ଗତ ୭ ତାରିଖ ସକାଳେ ଟିମ୍ ସେଠାରେ ସର୍ଚ୍ଚ ଅପରେସନ କରୁଥିଲା। ଉକ୍ତ ସମୟରେ ନକ୍ସଲମାନେ ଗୁଳି ଚାଳନା କରିଥିଲା। ଏହାପରେ ଆତ୍ମସମର୍ପଣ ନିମନ୍ତେ ସୁରକ୍ଷାକର୍ମୀ ସେମାନଙ୍କୁ ପ୍ରସ୍ତାବ ଦେଇଥିଲେ ମଧ୍ୟ ସେମାନେ ଗୁଳିଚାଳନା ଜାରି ରଖିଥିଲେ। ଏହାପରେ ସୁରକ୍ଷାକର୍ମୀଙ୍କ ପାଲଟା ଗୁଳି ଚାଳନାରେ ସେମାନେ ଛତ୍ରଭଙ୍ଗ ଦେଇ ପଳାଇଲେ। ଘଟଣାସ୍ଥଳରୁ ଡେଟୋନେଟର, ହ୍ୟାଣ୍ଡ ଗ୍ରେନେଣ୍ଡ ଆଦି ବହୁ ମାରଣାସ୍ତ୍ର ଓ ଏଥିରେ ବ୍ୟବହୃତ ସରଞ୍ଜାମ ଜବତ ହୋଇଛି।