ମାଲକାନଗିରି(ଜିତେନ୍ଦ୍ର ବେଉରା): ନିଜ ଦଳର ଆଗ ଧାଡ଼ିର ନେତାଙ୍କୁ ହତ୍ୟା କଲେ ନକ୍ସଲ। ଏପରି ଚାଞ୍ଚଲ୍ୟକର ଘଟଣା ଘଟିଛି ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ ବିଜାପୁର ଜିଲ୍ଲାରେ ।
କିଛିଦିନ ଧରି ନକ୍ସଲମାନେ ବିଜାପୁରର ଗାଙ୍ଗୁଲୁର ଜଙ୍ଗଲରେ ନିରୀହ ଆଦିବାସି ଏବଂ ପୁଲିସ୍କୁ ଟାର୍ଗେଟ କରି ଆସୁଥିଲେ । କିନ୍ତୁ ଏବେ ନିଜ ସଙ୍ଗଠନର ଆଗ ଧାଡ଼ିର ନେତାଙ୍କୁ ହତ୍ୟା କରିଛନ୍ତି । ମୃତକ ହେଲା ଗଙ୍ଗଲୁର ଏରିଆ କମିଟି DVC ଇନଚାର୍ଜ ବିଜ୍ଜା ମୋଡିୟମ ।
ମୋଡିୟମଙ୍କ ନାଁରେ ୮ ଲକ୍ଷ ଟଙ୍କା ପୁରସ୍କାର ରଖିଥିଲେ ଛତିଶଗଡ଼ ସରକାର । ପୁଲିସ୍ ଇନଫର୍ମର ସନ୍ଦେହ କରି ମାଓବାଦୀ ତାଙ୍କୁ ହତ୍ୟା କରିଥିବା ଆଶଙ୍କା କରାଯାଉଛି । ଗତକାଲି ମୋଡିୟମଙ୍କ ମୃତଦେହକୁ ଇତାବର ଗାଁରେ ଶବ ସତ୍କାର କରାଯାଇଥିବା ସୂଚନା ଦେଇଛନ୍ତି ବସ୍ତର IG ସୁନ୍ଦର ରାଜ P।