କାଳିଆର ସ୍ୱାସ୍ଥ୍ୟରେ କିଛି ପରିବର୍ତ୍ତନ ହୋଇନି: ସ୍ୱାସ୍ଥ୍ୟମନ୍ତ୍ରୀ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଦିଲ୍ଲୀ ଏମ୍&zwnj;ସରେ ଅପରେସନ ପରେ କାଳିଆର ସ୍ୱାସ୍ଥ୍ୟାବସ୍ଥାରେ କିଛି ପରିବର୍ତ୍ତନ ହୋଇନାହିଁ। କାଳିଆକୁ ଫିଡ୍ସ ମାରୁଥିବାରୁ ଏଥିପାଇଁ ମେଡିସିନ୍ ଦିଆଯାଉଛି। ତେଣୁ ମେଡିସିନ୍ ପ୍ରଭାବରେ କାଳିଆ ଅଧିକାଂଶ ସମୟରେ ଶୋଉଛି ନହେଲେ ଘୁମୋଉଛି। ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା ଆଜି ଏହି ସୂଚନା ଦେଇଛନ୍ତି।</p> <p>ସେ ଆହୁରି କହିଛନ୍ତି- &ldquo;କାଳି&zwnj;ଆର ସ୍ୱାସ୍ଥ୍ୟାବସ୍ଥା ଯେଉଁ ଭଳି ଭାବେ ଉନ୍ନତି ହେବା କଥା ଏ ପର୍ଯ୍ୟନ୍ତ ହୋଇ ନାହିଁ। କିନ୍ତୁ ଜଗାର ସ୍ୱାସ୍ଥ୍ୟ ଅବସ୍ଥାରେ ଉନ୍ନତି &zwnj;ଆସିଛି। ଜଗା ଭାତ ଓ ଡାଲି ଖାଉଛି। ଉଭୟଙ୍କ ଉପରେ ଡାକ୍ତରମାନେ ନଜର ରଖିଛନ୍ତି ଓ ନିୟମିତ ଭାବେ ଉଭୟଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଉଛି।&rdquo;</p> <p>ସ୍ୱାସ୍ଥ୍ୟମନ୍ତ୍ରୀ କହିଛନ୍ତି- &ldquo;ରାଜ୍ୟ ସରକାର ପକ୍ଷରୁ ଯାହା ସହଯୋଗ ଯୋଗାଇ ଦେବା କଥା ଯୋଗାଇ ଦିଆଯାଉଛି। ଆଗାମୀ ଦିନରେ ଯାହା ସହଯୋଗ ଦରକାର ହେବ, ଆମେ ସବୁ ଯୋଗାଇ ଦେବାକୁ ପ୍ରସ୍ତୁତ ଅଛୁ।&rdquo;</p> <p>ସୂଚନାଯୋଗ୍ୟ, ଗତ କିଛିଦିନ ତଳେ ଦିଲ୍ଲୀର ଏମ୍ସରେ କନ୍ଧମାଳ ମିଲୁପଡ଼ାର ଯୋଡ଼ାମୁଣ୍ଡ ଶିଶୁ ଜଗା, କାଳିଆଙ୍କ ବିରଳ ଅସ୍ତ୍ରୋପଚାର କରାଯାଇଥିଲା। ଜଗା ଓ କାଳିଆଙ୍କ ସମ୍ପର୍କରେ ପ୍ରଥମେ ନ୍ୟୁଜ୍ ଚ୍ୟାନେଲ୍ ଓଟିଭିରେ ଖବର ପ୍ରସାରଣ କରା ଯାଇଥିଲା। ଏହା ଦେଖି ସହାୟତାର ହାତ ବଢ଼ାଇଥିଲେ ରାଜ୍ୟ ସରକାର। ଗତ ଜୁଲାଇ ୧୩ ତାରିଖରେ ଦିଲ୍ଲୀର ଏମ୍ସକୁ ଉଭୟଙ୍କୁ ପଠା ଯାଇଥିଲା। ମୁଖ୍ୟମନ୍ତ୍ରୀଙ୍କ ପାଣ୍ଠିରୁ ପ୍ରାଥମିକ ପର୍ଯ୍ୟାୟରେ ସେମାନଙ୍କ ଚିକିତ୍ସା ଲାଗି ୧ କୋଟି ଟଙ୍କା ସହାୟତା ରାଶି ଘୋଷଣା କରାଯାଇଥିଲା।</p>