କେନ୍ଦୁଝର(ପ୍ରଣୟ ପାଣି): ଆପଣ ବଲିଉଡ୍ ଫିଲ୍ମ ‘ମାଂଝି ଦ ମାଉଣ୍ଟେନ୍ ମ୍ୟାନ’ ଦେଖିଥିବେ। ଦଶରଥ ମାଂଝି ନାମକ ଜଣେ ବ୍ୟକ୍ତିଙ୍କ ଉପରେ ଏହି ଫିଲ୍ମ ଆଧାରିତ। ସେ ଗୋଟେ ବିଶାଳ ପାହାଡ଼କୁ ଏକାକି ଖୋଳି ସମସ୍ତଙ୍କ ପାଇଁ ରାସ୍ତା ତିଆରି କରିଥିଲେ। ଫିଲ୍ମରେ ମାଂଝି ଚରିତ୍ରରେ ନଜର ଆସିଥିଲେ ଅଭିନେତା ନୱାଜୁଦିନ୍ ସଦ୍ଦିକି। ତେବେ ଏହି ମାଂଝୀଙ୍କ ଭଳି ଜଣେ ବ୍ୟକ୍ତି ଆମ ରାଜ୍ୟରେ ମଧ୍ୟ ଅଛନ୍ତି।
Visited Daitari Naik, & his wife, in Keonjhar district, today. In the absence of any development in this region, Daitari Naik ji single handedly carved out a 3 km long canal, cutting out a mountain, to irrigate his farmland. I salute his commitment. Contd.. pic.twitter.com/aXfwyrZ497
— Niranjan Patnaik (@NPatnaikOdisha) June 24, 2018
କେଉଁଠୁ ଆସିଲା ଏମିତି ଚନ୍ତାଧାରା
ସୂଚନା ଅନୁଯାୟୀ, ଚାଷ ଉପରେ ନିର୍ଭର କରି ଚଳୁଥିବା ଦୈତାରୀଙ୍କ ଜମିକୁ ଜଳ ସେଚନର ସୁବିଧା ନଥିଲା। କେମିତି ଜମିରେ ଜଳସେଚନର ସୁବିଧା କରିବେ ସେଇ ଚିନ୍ତାରେ ସେ ଥିଲେ। ଦିନେ ତାଙ୍କ ନଜରକୁ ଆସିଥିଲା ସ୍ଥାନୀୟ ଗୋନାସିକା ପାହାଡ଼। ଏହି ପାହଡରୁ ବୋହି ଆସିଥିବା କରତକଟା ନାଳକୁ ୩ କିଲୋମିଟର ଦୂର ନିଜ ଜମିକୁ ନେବା ପାଇଁ ସେ ପଣ କରିଥିଲେ। ଆଉ ଏହି ଲକ୍ଷ୍ୟରେ ନିଜେ କୋଦାଳ ଓ ଶାବଳ ଧରି ଆରମ୍ଭ କରିଥିଲେ କେନାଲ ଖୋଳା। ସେ ୧୯୯୭ରୁ କେନାଲ ଖୋଲା କାମ ଆରମ୍ଭ କରିଥିଲେ ଯାହା ୨୦୦୧ରେ ଶେଷ ହୋଇଥିଲା। ଦୀର୍ଘ ୪ ବର୍ଷର ଅକ୍ଲାନ୍ତ ପରିଶ୍ରମର ଶେଷରେ ଫଳ ମିଳିଥିଲା। ଆଜି ଏହି କେନାଲ ପାଇଁ ଗାଁକୁ ବର୍ଷ ତମାମ ପାଣି ଆସୁଛି ଯାହାଦ୍ୱାରା ବୈତରଣୀ ଗାଁର ପ୍ରାୟ ୧୦୦ ଏକରରୁ ଅଧିକ ଜମି ଜଳସେଚନ ହୋଇ ପାରୁଛି।