ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଜୟପୁର(ଟି.ଗୌରୀଶଙ୍କର): ଗାଁଗହଳିରେ ଲୋକଙ୍କୁ ସ୍ୱଚ୍ଛତା ସମ୍ପର୍କରେ ସଚେତନ କଲେ। ଖାଦ୍ୟ ନିରାପତ୍ତା ସମ୍ପର୍କରେ ବୁଝାଇଲେ। ସାକ୍ଷର ହୋଇ କିଭଳି ସ୍ୱାବଲମ୍ୱୀ ହେବେ ସେ ନେଇ ସଚେତନ କଲେ। କଥା ଥିଲା ଏହି କାମ ବିବାଦକୁ ମିଳିବ ମାସକୁ ହଜାରେ ଟଙ୍କା। ଆଉ ଏହି ପାରିଶ୍ରମିକ ଆଶାରେ ୯୦ ଜଣ କର୍ମୀ ଅକ୍ଲାନ୍ତ ପରିଶ୍ରମ କଲେ, କିନ୍ତୁ ପାରିଶ୍ରମିକ ବାବଦକୁ ଟଙ୍କାଟିଏ ବି ମିଳିଲା ନାହିଁ। ପ୍ରଶିକ୍ଷଣ ସରିବାର ତିନି ବର୍ଷ ବିତିଯାଇଥିଲେ ବି ଏହି ୯୦ ଜଣଙ୍କ କଥା ଏବେ କେହି ବି ଶୁଣୁ ନାହାଁନ୍ତି।</p> <p>ସ୍ଥାନୀୟ ଯୁବବର୍ଗଙ୍କୁ ନେଇ ଗାଁ ଗାଁରେ ପରିମଳ, ସ୍ୱଚ୍ଛତା, ପୁଷ୍ଟିକର ଖାଦ୍ୟ, ଗର୍ଭବତୀ ମହିଳାଙ୍କ ଯତ୍ନ ସହ ସାକ୍ଷରତା ଉପରେ ଗାଁଲୋକଙ୍କୁ ସଚେତନ କରିବାକୁ କିଛି କର୍ମୀଙ୍କୁ ଦାୟିତ୍ୱ ଦେଇଥିଲା ଏମ୍.ଏସ୍.ସ୍ୱାମୀନାଥନ୍ ରିସର୍ଚ୍ଚ ଫାଉଣ୍ଡେସନ। ଏ ବାବଦରେ ସଂସ୍ଥା ନିଯୁକ୍ତ କର୍ମୀଙ୍କୁ ପାରିଶ୍ରମିକ ଦେବ ବୋଲି ମଧ୍ୟ କହିଥିଲା।</p> <p>କୋରାପୁଟ ଜିଲ୍ଲା କୁନ୍ଦୁରା, ବୈପାରିଗୁଡ଼ା ବ୍ଲକ୍ ସମେତ ୪ଟି ପଞ୍ଚାୟତର ୧୮ଟି ଗାଁରେ ୯୦ ଜଣ କର୍ମୀଙ୍କୁ ମାସିକ ହଜାରେ ଟଙ୍କା ହିସାବରେ ତିନିବର୍ଷକୁ ୩୬ ହଜାର ଟଙ୍କା ମିଳିବା କଥା। ହେଲେ ଚୁକ୍ତି ମୁତାବକ ଟଙ୍କାଟିଏ ବି ମିଳି ନ ଥିବାବେଳେ କେବଳ ସାର୍ଟିଫିକେଟ୍ ଖଣ୍ଡେ ଧରେଇ ଦେଇ ସଂସ୍ଥା ଚୁପ୍ ବସିଯାଇଥିବା ଅଭିଯୋଗ କରିଛନ୍ତି କର୍ମୀ।</p> <p>ଗ୍ଲୋବାଲ ଆଲିଏନ୍ସ ଫର୍ ଇମ୍ପ୍ରୁଭଡ୍‌ ନ୍ୟୁଟ୍ରିସନ୍ ପକ୍ଷରୁ ଜୟପୁର ସ୍ଥିତି ଏମ୍.ଏସ୍.ସ୍ୱାମୀନାଥନ୍ ରିସର୍ଚ୍ଚ ଫାଉଣ୍ଡେସନ୍ ଜରିଆରେ ଗତ ୨୦୧୨ରୁ ୨୦୧୫, ତିନି ବର୍ଷ ଧରି କୋରାପୁଟରେ ଆରମ୍ଭ କରାଯାଇଥିଲା କମ୍ୟୁନିଟି ହଙ୍ଗର ଫାଇଟର୍ କାର୍ଯ୍ୟକ୍ରମ। ପ୍ରଶିକ୍ଷଣ ପାଇଁ ମନୋନୀତ ହୋଇଥିଲେ ବିଭିନ୍ନ ଗାଁର ୯୦ଜଣ କର୍ମୀ। ତିନି ବର୍ଷ ଧରି ଗାଁକୁ ଗାଁ ବୁଲି ଏମାନେ ସଚେତନତା ଜାରି ରଖିଥିଲେ। ମାତ୍ର କାମ ବାବଦକୁ ପାରିଶ୍ରମିକ ନ ମିଳିବାରୁ ବାରମ୍ବାର ଅଫିସ ଯାଇଥିଲେ ବି ନିରାଶ ହୋଇଥିବା କର୍ମୀ କହିଛନ୍ତି।</p> <p>ଏହି ଅଭିଯୋଗକୁ ଖଣ୍ଡନ କରିଛନ୍ତି ଏମ.ଏସ୍.ସ୍ୱାମୀନାଥନ୍ ରିସର୍ଚ୍ଚ ଫାଉଣ୍ଡେସନ କର୍ତ୍ତୃପକ୍ଷ। କର୍ମୀଙ୍କୁ ପାରିଶ୍ରମିକ ନମିଳିବା ନେଇ ପ୍ରତିକ୍ରିୟା ରଖିଛନ୍ତି ଏମ୍.ଏସ୍.ସ୍ୱାମୀନାଥନ୍ ରିସର୍ଚ୍ଚ ଫାଉଣ୍ଡେସନର ନିର୍ଦ୍ଦେଶକ ଡାକ୍ତର ଅଲିଭର୍ କିଙ୍ଗ୍ ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
