ଜାତି ପ୍ରମାଣପତ୍ର ପାଇଁ ଆଉ ଚକ୍କର କାଟିବାକୁ ପଡିବନି ତହସିଲ ଅଫିସ୍‌: ଗୋଟିଏରେ ବିତିଯିବ ସାରା ଜୀବନ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଏଣିକି ଜାତିଗତ ପ୍ରମାଣପତ୍ର ପାଇଁ ଆଉ ତହସିଲ କାର୍ଯ୍ୟାୟଳର ଚକ୍କର କାଟିବାକୁ ପଡିବ ନାହିଁ କି କାହାକୁ ହାତଗୁଞ୍ଜା ଦେବାକୁ ପଡ଼ିବ ନାହିଁ। କାରଣ ସରକାର ଜାତିଗତ ପ୍ରମାଣପତ୍ର ପ୍ରଦାନ ପାଇଁ ନୂଆ ନିୟମ ଆଣିବାକୁ ଯାଉଛନ୍ତି। ଏଣିକି ଛାତ୍ରଛାତ୍ରୀଙ୍କୁ ଗୋଟିଏ ଜାତିଗତ ପ୍ରମାଣପତ୍ର ପ୍ରଦାନ କରାଯିବ। ଯାହା ସାରା ଜୀବନ ବୈଧ ରହିବ। ଏଥିପାଇଁ ରାଜ୍ୟ ସରକାର ନିୟମରେ ଆବଶ୍ୟକ ସଂଶୋଧନ କରିବାକୁ ଯାଉଛନ୍ତି। ଆଜି ସଚିବାଳୟରେ ଏଡିଏମ୍&zwnj; ଏବଂ ଡିଡବ୍ଲ୍ୟୁଓ ସମ୍ମିଳନୀ ଅବସରରେ ଏହି ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ।</p> <p>ପୂର୍ବରୁ&nbsp; ଛାତ୍ରଛାତ୍ରୀଙ୍କୁ ବାରମ୍ବାର ଜାତିଗତ ପ୍ରମାଣପତ୍ର ପ୍ରସ୍ତୁତ କରିବାକୁ ପଡ଼ୁଥିଲା। ସମ୍ମିଳନୀରେ ପଞ୍ଚମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କୁ ଜାତିଗତ ପ୍ରମାଣପତ୍ର ପ୍ରଦାନ ନେଇ ଆଲୋଚନା ହୋଇଥିଲା। ଏଥିପାଇଁ ରାଜ୍ୟ ସରକାର ଅଭିଯାନ ଚଳାଇବେ।</p> <p>ଆସନ୍ତା ୬ ମାସ ମଧ୍ୟରେ ଛାତ୍ରଛାତ୍ରୀଙ୍କୁ ଏହି ପ୍ରମାଣପତ୍ର ପ୍ରଦାନ କରିବାକୁ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଛନ୍ତି। ଏହାଦ୍ୱାରା ୧୯ ଲକ୍ଷ ଛାତ୍ରଛାତ୍ରୀ ଉପକୃତ ହେବେ।</p>