ସୋର(ଶଶିକାନ୍ତ ବେହେରା): ପରିଣତ ବୟସରେ ଅଲୋଡା ହୋଇପଡ଼ିଲେ ବାପା ମାଆ । ଦୁଇ ଦୁଇ ଟି ଭେଣ୍ଡିଆ ପୁଅକୁ ଜନ୍ମ କରି ମଧ୍ୟ ବାର୍ଦ୍ଧକ୍ୟ ଅବସ୍ଥରେ ବର ଗଛ ମୁଳେ ଅଶ୍ରୟ ନେଇଛନ୍ତି ବାପା ମାଆ । ବହୁ କଷ୍ଟ କରି ଦୁଇ ପୁଅଙ୍କୁ ବଡ କରିଥିଲେ। ଭାବିଥିଲେ ବୟସର ଅପରାହ୍ନରେ ଆଶାବାଡି ହେବେ ଦୁଇ ଅନ୍ଧର ଲଉଡି । ହେଲେ ସେମାନଙ୍କ ପାଇଁ ଅଲୋଡା ହୋଇଗଲେ ବାପା ମାଆ ।
ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ସୋର ଅଞ୍ଚଳରେ । ସୋର ବ୍ଲକ୍ ସୁଲତାନପୁରର ପ୍ରହଲ୍ଲାଦ ମହାଳିକ ଓ ସ୍ତ୍ରୀ ଅର୍ଣ୍ଣପୂର୍ଣ୍ଣାଙ୍କ ଦୁଇ ପୁଅ ଏବଂ ଦୁଇ ବହୂ ବୃଦ୍ଧ ବାପା ମାଆଙ୍କୁ ଜିର୍ଯାତନା ଦେଇ ଘରୁ ତଡି ଦେଇଥିଲେ । ପ୍ରହଲ୍ଲାଦ ଓ ଅର୍ଣ୍ଣପୂର୍ଣ୍ଣା ଏକ ବର ଗଛ ମୁଳେ ଅସହାୟ ହୋଇ ଶୀତ କାକରରେ ରେ ବସି ରହି କାନ୍ଦୁଥିଲେ ।
ଜନ୍ମ କଲା ପୁଅ ସିନା ପର କରିଦେଲେ। ହେଲେ ଯାହାର ହାତ ଧରି ସାତ ଜନ୍ମର ସାଥି ହୋଇ ଆସିଥିଲେ ତାଙ୍କୁ କେମିତି ପର କରିପାରିଥାନ୍ତେ । ପୁଅ ଘରୁ ତଡି ଦେବା ପରେ ତା'ର ହାତ ଧରି ଏକ ବର ଗଛ ମୁଳେ ଆଶ୍ରୟ ନେଇଛନ୍ତି ପ୍ରହଲ୍ଲାଦ । ସେହି ବାଟ ଦେଇ ଯାଉଥିବା ଜଣେ ଦମ୍ପତିଙ୍କ ନଜର ତାଙ୍କ ଉପରେ ପଡି ଥିଲା । ସେ ସେହି ଅସହାୟ ବୃଦ୍ଧା ଦୁଇ ଜଣଙ୍କୁ ଆଣି ନିଜ ଘରେ ଆଶ୍ରୟ ଦେଇଛନ୍ତି ।