ଭୁବନେଶ୍ୱର(ଓଡ଼ିଶା ରିପୋର୍ଟର): କରୋନା ମହାମାରୀ ପାଦ୍ରୁଭାବ ଆରମ୍ଭ ହେବା ଦିନଠୁ ଜୀବନଯାତ୍ରା ଠପ୍ ହୋଇଯାଇଛି। ଦୋକାନବଜାର, ସପିଂ ମଲଠୁ ଆରମ୍ଭ କରି ସବୁ ବନ୍ଦ କରିଦେଲେ ସରକାର। ଦୀର୍ଘ ୭ ମାସ ପରେ ଧିରେ ଧିରେ ସବୁ କିଛି ସ୍ୱାଭାବିକ ସ୍ଥିତିକୁ ଫେରୁଥିବା ବେଳେ ମଦ ଦୋକାନଠୁ ଆରମ୍ଭ କରି ସପିଂ ମଲ ଖୋଲିଲାଣି। ହେଲେ ମନ୍ଦିର ଖୋଲିବା ନାଁ ଧରୁ ନାହାନ୍ତି ସରକାର।
ଏହା ପ୍ରତିବାଦରେ ଆସନ୍ତାକାଲି ପୁଣି ବାଜିବ ଘଣ୍ଟଘଣ୍ଟା । ଏଥର କୋଭିଡ୍ ଯୋଦ୍ଧାଙ୍କ ପାଇଁ ନୁହେଁ ବରଂ ମନ୍ଦିର ଖୋଲିବା ଦାବିରେ ଘଣ୍ଟଘଣ୍ଟା ବାଜିବ ବୋଲି ସ୍ପଷ୍ଟ କରିଛି ଓଡ଼ିଶା ମନ୍ଦିର ସେବାୟତ ସଂଘ।
ଆସନ୍ତାକାଲି ସକାଳ ୯ଟାରେ ସମସ୍ତ ମନ୍ଦିର ଓ ସେବାୟତଙ୍କ ଘରେ ୯ ମିନିଟ ପାଇଁ ବାଜିବ ଘଣ୍ଟଘଣ୍ଟା। ସରକାର ମନ୍ଦିର ଖୋଲନ୍ତୁ ନ ହେଲେ ନଚେତ ସେବାୟତଙ୍କୁ ଆର୍ଥିକ ସହାୟତା ଦିଅନ୍ତୁ ବୋଲି ଗତକାଲି ଭୁବନଶ୍ୱେରରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ମହାସଂଘର କର୍ମକର୍ତ୍ତା।