ଉଦଳା(ମାନସ ପାଣି): ପୂଜା ଛୁଟିରେ ଘରକୁ ଆସିଥିଲା ଝିଅ। ହେଲେ ଛୁଟି ସରିବା ପୂର୍ବରୁ ସେ ଦୁନିଆ ଛାଡ଼ିଦେଲା। ଟିଭି ପ୍ଲଗ୍ ଦେଉଥିବା ସମୟରେ ବିଦ୍ୟୁତ୍ ଆଘାତ ଲାଗିବାରୁ ଆଖି ବୁଜିଲା ଚିନୁ ପ୍ରଭା ପାତ୍ର। ଏପରି ଦୁଃଖଦ ଘଟଣା ମୟୂରଭଞ୍ଜ ଜିଲ୍ଲା କପ୍ତିପଦା ଥାନା ରାଇଡାହି ଗ୍ରାମରେ ଘଟିଛି। ଏହା ପ୍ରଚାରିତ ହେବାପରେ ଗାଁରେ ଶୋକର ଛାୟା ଖେଳିଯାଇଛି।
ଚିନୁ ଭାଲୁବସା ଆଦର୍ଶ ବିଦ୍ୟାଳୟରେ ନବମ ଶ୍ରେଣୀରେ ପାଠ ପଢ଼ୁଥିଲା। ତେବେ ବିଦ୍ୟାଳୟ ଛୁଟି ଥିବାରୁ ସେ ଘରକୁ ଆସିଥିଲା। ଘରେ ଅନ୍ୟ ସଦସ୍ୟ କାମରେ ବ୍ୟସ୍ତ ଥିବା ବେଳେ ଚିନୁ ଟିଭି ଲଗାଇବାକୁ ଇଲେକ୍ଟ୍ରି ବୋର୍ଡରେ ପ୍ଲଗ୍ ଲଗାଇଥିଲା। ଏହି ସମୟରେ ଅସାବଧାନତାବଶତଃ ତାକୁ ବିଦ୍ୟୁତ୍ ଆଘାତ ଲାଗିଥିଲା। ଗୁରୁତର ଅବସ୍ଥାରେ ପରିବାର ଲୋକେ ଝିଅକୁ ଚିକିସିା ନିମନ୍ତେ ଉଦଳା ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାକୁ ମୃତ ଘୋଷଣା କରିଛନ୍ତି।