ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବୌଦ୍ଧ(ଓଡ଼ିଶା ରିପୋର୍ଟର): କଥାରେ ଅଛି ପ୍ରେମ ଅମର। ଏହାର ଅନ୍ତ ନାହିଁ। ହେଲେ ବହୁ ସମୟରେ ଏହି ପ୍ରେମ ମୃତ୍ୟୁର କାରଣ ପାଲଟି ଥାଏ। ଏପରି ଉଦାହରଣର ଅଭାବ ନାହିଁ। ନିଜ ପ୍ରେମକୁ ସଫଳ କରିବାକୁ କେହି କିଛି ବି କରିପାରେ। ଏହି ଯେମିତି ବୌଦ୍ଧ ଜିଲ୍ଲାରେ ଘଟିଛି। ଏଠାରେ ତ୍ରିକୋଣୀୟ ପ୍ରେମ ଜଣେ ଯୁବକଙ୍କ ଜୀବନ ନେଇଯାଇଛି। ପ୍ରେମିକାକୁ ପୋଲିସ ଅଟକ ରଖିଥିବା ବେଳେ ଅନ୍ୟତମ ପ୍ରେମିକ ଫେରାର ହୋଇଯାଇଛି। ମୃତ ଯୁବକ ହେଲେ ଶାନ୍ତୁନୁ କଅଁର।</p> <p><span style="color: #ff0000;">ଘଟଣା ଏମିତି</span></p> <p>ଘଟଣା ବୌଦ୍ଧ ଜିଲ୍ଲା ମନମୁଣ୍ଡା ଥାନା ଘୁଲୁଘୁଲାପଦର ଗାଁର। ଫିଲ୍ମ ଷ୍ଟାଇଲରେ ଏଠାରେ ଥିଲେ ‘ଏକ୍‌ ଫୁଲ୍‌, ଦୋ ମାଲି’। ଅର୍ଥାତ ଜଣେ ପ୍ରେମିକାକୁ ଦୁଇଜଣ ପ୍ରେମିକ। ସମସ୍ତେ ପୁଣି ଗୋଟିଏ ଗାଁର। କଥା ଆଉ କ’ଣ। ସମୟ ଚକ୍ରରେ ଦୁଇ ଯୁବକ ଜାଣିଲେ ସେମାନଙ୍କ ପ୍ରେମିକା ଜଣେ। ହେଲେ କେହି କାହାର ରାସ୍ତା ଛାଡିବାକୁ ନାରାଜ ଥିଲେ। ଏଥିରୁ ଆରମ୍ଭ ହୋଇଥିଲା ବିବାଦ। କଥା ବାଦ ବିବାଦରୁ ବହୁ ଆଗକୁ ବଢ଼ି ଆକ୍ରମଣ ପ୍ରତିଆକ୍ରମଣରେ ପହଞ୍ଚି ଯାଇଥିଲା। ଯାହାର ଫଳ ଆଜି ଦେଖିବାକୁ ମିଳିଛି। ଆଜି ସକାଳରେ ଶାନ୍ତନୁଙ୍କ ରକ୍ତ ଜୁଡୁବୁଡୁ ମୃତ ଦେହ ଉଦ୍ଧାର କରାଯାଇଛି। ଅଭିଯୁକ୍ତ ପ୍ରେମିକ ଶାନ୍ତନୁକୁ ଶାବଳରେ ପିଟି ପିଟି ମାରି ଦେଇଥିବା ଅଭିଯୋଗ ହୋଇଛି। ମୃତଦେହ ପାଖରୁ ପୋଲିସ୍‌ ଏକ ଭ୍ୟାନିଟି ବ୍ୟାଗ ଜବତ କରିଛି। ଏହାକୁ ଖିଅ କରି ପୋଲିସ ତଦନ୍ତ ଆରମ୍ଭ କରିବା ସହ ପ୍ରେମିକାକୁ ଥାନାରେ ଅଟକ ରଖି ପଚରାଉଚରା କରୁଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
