ମହୁମାଛି ଆକ୍ରମଣରେ ଜଣେ ମୃତ, ୩ ଆହତ

<p>ମୋହନା(ମିହିର ଜତି): ବଣଭୋଜି ବେଳେ ମହୁମାଛି ଆକ୍ରମଣରେ ଜଣକର ମୃତ୍ୟୁ ଘଟିଛି। ଆଉ ୩ ଜଣ ଗୁରୁତର ଆହତ ହୋଇଛନ୍ତି। ଘଟଣା ଘଟିଛି ଗଜପତି ଜିଲ୍ଲା ଆର.ଉଦୟଗିରି ଥାନା ଅନ୍ତର୍ଗତ ମାଙ୍କଡଡିଆଁ ପର୍ଯ୍ୟଟନ ସ୍ଥଳୀରେ। ମୃତକ ହେଲେ ସଞ୍ଜୁ ମହାରଣା। ଆହତମାନଙ୍କୁ ଚନ୍ଦ୍ରଗିରି ଡାକ୍ତରଖାନାରେ ଭର୍ତ୍ତି କରାଯାଇଛି। ସେମାନେ ହେଲେ ଅନନ୍ତ ମହାରଣା, କାହ୍ନା ମହାରଣା ଓ ସୁଶାନ୍ତ ।</p> <p>ସୂଚନା ଅନୁସାରେ, ଗତକାଲି ସନ୍ଧ୍ୟାରେ ଗଞ୍ଜାମ ଜିଲ୍ଲା କେ.ନୂଆଗାଁ ଥାନା ବିରମେଖପୁର ଗାଁର ୭ ଜଣ ଯୁବକ ମାଙ୍କଡ଼ଡିଆଁକୁ ବଣଭୋଜି କରିବାକୁ ଯାଇଥିଲେ। ସେହି ସମୟରେ ୪ ଜଣ ଯୁବକଙ୍କୁ ଏକ ଗଛରେ ଥିବା ମହୁଫେଣାରୁ ମହୁମାଛି ଆକ୍ରମଣ କରିଥିଲା। ଆଜି ସକାଳେ &nbsp;ପୋଲିସ ପାଣି ଭିତରୁ ସଞ୍ଜୁଙ୍କ&nbsp; ମୃତଦେହ ଉଦ୍ଧାର କରିଛି। ଏନେଇ ପୋଲିସ ଘଟଣାର ତଦନ୍ତ କରୁଛି।</p>