ଜଳପ୍ରପାତକୁ ଡେଇଁ ପଡ଼ିଲେ ଯୁବକ, ଯୁବତୀ

ନୂଆପଡ଼ା (ଓଡ଼ିଶା ରିପୋର୍ଟର): ଜଳପ୍ରପାତକୁ ଡେଇଁ ପଡ଼ିଲେ ଜଣେ ଯୁବକ ଓ ଜଣେ ଯୁବତୀ। ନୂଆପଡ଼ା ଜିଲ୍ଲା ଧରମବନ୍ଧା ଥାନା ଗୋଧସ ଜଳପ୍ରପାତରେ ଆଜି ଘଟିଛି ଏହି ଘଟଣା। ଜଳପ୍ରପାତ ନିକଟରେ ଗୋଟିଏ ବାଇକ୍‌, ପୋଷାକପତ୍ର ଓ ଘଣ୍ଟା ଅଛି। ସେମାନେ ଏସବୁ ରଖି ଜଳପ୍ରପାତରେ ଡେଇଁ ପଡ଼ିଥିବା କୁହାଯାଉଛି। ଗାଡ଼ିଟି ଛତିଶଗଡ଼ର ଘରିଆବନ୍ଧ ଜିଲ୍ଲାର ବୋଲି ଜଣାପଡ଼ିଛି। ଅଗ୍ନିଶମ ବାହିନୀ ଓ ପୁଲିସ୍ କର୍ମଚାରୀ ଜଳପ୍ରପାତରେ ସେମାନଙ୍କୁ ଖୋଜାଖୋଜି କରୁଛନ୍ତି। ଅଧିକ ସୂଚନାକୁ ଅପେକ୍ଷା କରାଯାଇଛି।