ସମ୍ବଲପୁର( ସଂଜୟ ଜେନା) : ନିଜ ବନ୍ଧୁକରୁ ଗୁଳି ଫୁଟାଇ ଯବାନଙ୍କ ଆତ୍ମହତ୍ୟା। ସମ୍ବଲପୁର କିସିଣ୍ଡା ଥାନାର OSAP ବାରାକ୍ ଛାତ ଉପରେ ଜଣେ ଯବାନ ଆତ୍ମହତ୍ୟା କରିଥିବା ଅଭିଯୋଗ ହୋଇଛି।
ମିଳିଥିବା ସୂଚନା ମୁତାବକ , ମୃତ ଯବାନଙ୍କ ନାଁ ଅମିର ସାହୁ। ଘର ବରଗଡ଼ ଗାଇସିଲଟ ଅଞ୍ଚଳରେ। ଅମିର ତାଙ୍କ ଇନସାସ ବନ୍ଧୁକରୁ ନିଜ ବେକକୁ ୩ ରାଉଣ୍ଡ ଗୁଳି କରିଥିବା କୁହାଯାଉଛି। ତେବେ ଯବାନ ଜଣକ କେଉଁ କାରଣରୁ ଆତ୍ମହତ୍ୟା କରିଛନ୍ତି, ତାହା ଏଯାଏ ଜଣାପଡ଼ିନି। ପୁଲିସ ଯବାନଙ୍କ ମୃତଦେହ ଉଦ୍ଧାର କରି ଘଟଣାର ତଦନ୍ତ କରୁଛି।