କଟକ(ଓଡ଼ିଶା ରିପୋର୍ଟର): କଟକ ମହାନଗର ନଗମ(ସିଏମ୍ସି)ର ଚିନ୍ତା ବଢ଼ାଇଲା ମାଲଗୋଦାମର ବେହେରା ସାହି। ଗତକାଲି ବେହେରା ସାହିରୁ ୨୨ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ପୁଣି ୫୭ ପଜିଟିଭ୍ ବାହାରିଛନ୍ତି। ଯାହାକୁ ନେଇ ଚିନ୍ତାରେ ପଡ଼ି ଯାଇଛି ସିଏମ୍ସି।
https://twitter.com/CMCCuttack/status/1290229366891282433?s=20
ଆଜି କଟକ ସହରରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ଭିତରୁ ୭୯ କ୍ୱାରେଣ୍ଟାଇନ୍ରେ ଥିବା ବେଳେ ୮ ଜଣ ଲୋକାଲ କେସ୍। ଏନେଇ କଟକ ମହାନଗର ନିଗମ(ସିଏମ୍ସି) ଟ୍ୱିଟ୍ କରିଛି। ୮୭ରୁ କେବଳ ମାଲଗୋଦାମ ବେହେରା ସାହିରୁ ୫୭ ଚିହ୍ନଟ ହୋଇଛନ୍ତି। ଗତକାଲି ମାଲଗୋଦାମ ବେହେରା ସାହିରୁ ୨୨ ପଜିଟିଭ ମିଳିଥିଲେ।
ଆଜି ମାଛୁଆବଜାରରୁ ଆଉ ୧୦ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି ପୁରୁଣା ରାଉସାପାଟଣାରୁ ୫; କାଳୀଗଳି, ନୟାସଡ଼କ, ସାଆନ୍ତ ସାହି, ଚାଉଳିଆଗଂଜ, ମହାନଦୀ ବିହାର, ତେଲେଙ୍ଗା ବଜାର, ଦିୱାନ ବଜାର, ବାଦାମବାଡ଼ିରୁ ଜଣେ ଲେଖାଏଁ ଲୋକାଲ କେସ୍ ଚିହ୍ନଟ ହୋଇଛନ୍ତି।
କଟକ ଟାଉନ୍ରୁ ମୋଟ୍ ୧୦୯୧ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିରୁ ୧୦ ଜଣଙ୍କ ମୃତ୍ୟୁ ଘଟିଥିବା ବେଳେ ୫୮୦ ଜଣ ଆରୋଗ୍ୟ ହୋଇ ଘରକୁ ଫେରିଛନ୍ତି। ଏବେ ୫୦୧ ଜଣ କୋଭିଡ୍ ହସ୍ପିଟାଲ୍ରେ ଚିକିତ୍ସିତ ହେଉଛନ୍ତି।