ଖୋର୍ଦ୍ଧା (ବଳରାମ ଲେଙ୍କା ): ଖୋର୍ଦ୍ଧା ବ୍ଲକ କାର୍ଯ୍ୟାଳୟ ଏବଂ ପୌର କାର୍ଯ୍ୟାଳୟକୁ ଗତକାଲି ଅଚାନକ ଗସ୍ତ କରିଥିଲେ ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନା। ସୋମବାର ଅଭିଯୋଗ ଶୁଣାଣି ଦିନରେ ଖୋର୍ଦ୍ଧା ବ୍ଲକ ଅଫିସରେ ବିଡିଓଙ୍କ ସହ ବିଭିନ୍ନ ଅଧିକାରୀ ଅନୁପସ୍ଥିତ ଥିବାରୁ କ୍ଷୋଭ ପ୍ରକାଶ କରିଥିଲେ ମନ୍ତ୍ରୀ । ବାହାରେ ଅଭିଯୋଗ ଧରି ଲୋକେ ଅପେକ୍ଷା କରିଥିବାବେଳେ କୌଣସି ଅଧିକାରୀ ନଥିବାରୁ ମନ୍ତ୍ରୀ ନିଜେ ବସି ଲୋକଙ୍କ ଅଭିଯୋଗ ଶୁଣିଥିଲେ ।
ତେବେ ପ୍ରାୟ ସାଢେ ୧୧ଟାବେଳେ ମନ୍ତ୍ରୀ ଆସିଥିବା ଶୁଣି ବିଡିଓ ପହଞ୍ଚିଥିଲେ ଏବଂ ଫିଲ୍ଡ ଭିଜିଟ୍ ଯାଇଥିବା ସଫେଇ ଦେଇଥିଲେ । ତେବେ ଅଭିଯୋଗ ଶୁଣାଣି ଦିନ ଫିଲଡ ଭିଜିଟ୍ ନିୟମ ନଥିବା ମନେପକେଇ ଦେଇଥିଲେ ମନ୍ତ୍ରୀ । ସେହିଭଳି ଖୋର୍ଦ୍ଧା ପୌରପରିଷଦ କାର୍ଯ୍ୟାଳୟରେ ବି ଅଧିକାରୀଙ୍କ ମରୁଡି ଦେଖିବାକୁ ପାଇଥିଲେ ମନ୍ତ୍ରୀ । ଏନେଇ ଅଧିକାରୀଙ୍କୁ ତାଗିଦ୍ କରିବା ସହ ଆଗକୁ ଏପରି ହେଲେ କାର୍ଯ୍ୟାନୁଷ୍ଠାନର ଚେତାବନୀ ଦେଇଛନ୍ତି ମନ୍ତ୍ରୀ ପ୍ରତାପ ଜେନା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
