ଢେଙ୍କାନାଳ:ଢେଙ୍କାନାଳ ଜିଲ୍ଲା ମହାବିରୋଡ୍ ରେଞ୍ଜ ପାଣିଚୁଆମଠ ଜଙ୍ଗଲରୁ ଏକ ମାଈ ହାତୀର ଗଳିତ ମୃତଦେହ ଉଦ୍ଧାର ଘଟଣାରେ ଗୁରୁବାର ବନ ବିଭାଗର ପକ୍ଷରୁ ୨ କର୍ମଚାରୀଙ୍କୁ ନିଲମ୍ବନ କରାଯାଇଛି। ସେମାନେ ହେଲେ ଫରେଷ୍ଟର ପ୍ରଫୁଲ କୁମାର ସେଠୀ ଓ ଗାର୍ଡ ପଞ୍ଚାନନ ସିଂହ। ଢେଙ୍କାନାଳ ଡିଏଫଓ ପ୍ରଦୀପ କୁମାର ସାହୁ କାର୍ଯ୍ୟରେ ଅବହେଳା ଯୋଗୁଁ ସେମାନଙ୍କୁ ନିଲମ୍ବନ କରିଛନ୍ତି।
ଗତ ୨ ତାରିଖରେ ପାଣିଚୁଆମଠ ଜଙ୍ଗଲରୁ ୫ ବର୍ଷର ମାଈ ହାତୀର ଗଳିତ ମୃତଦେହ ଉଦ୍ଧାର ହୋଇଥିଲା। ଘଟଣାସ୍ଥଳଟି କାର୍ଯ୍ୟାଳୟ ଠାରୁ ମାତ୍ର ୧ରୁ ୨ କିଲୋମିଟର ମଧ୍ୟରେ ଥିଲେ ମଧ୍ୟ ବନ ବିଭାଗ ଏ ସମ୍ପର୍କରେ ଜାଣିବାରେ ବିଳମ୍ବ ହୋଇଥିଲା। ଫଳରେ ହାତୀ ଛୁଆଟିର ମୃତ୍ୟୁ ଘଟିଥିବା ଅଭିଯୋଗ ହୋଇଥିଲା।