ପୁଅର ମୃତ୍ୟୁ ପରେ ବିଷ ପିଇ ଦେଲେ ବାପାମା’

<p>ଯାଜପୁର(ଓଡ଼ିଶା ରିପୋର୍ଟର): ପୁଅର ମୃତ୍ୟୁ ପରେ ବାପାମା&rsquo; ବିଷ ପିଇ ଆତ୍ମହତ୍ୟା କରିଛନ୍ତି। ଏଭଳି ଏକ ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ବିଞ୍ଝାରପୁର ଥାନା ଅର୍ନ୍ତଗତ କୁରିସାହିରେ। ମୃତକଦ୍ୱୟ ହେଲେ ପ୍ରଦୀପ ଜେନା ଓ ପ୍ରଭାତି ଜେନା।</p> <p>ସୂଚନା ଅନୁଯାୟୀ, ଏହି ଦମ୍ପତିଙ୍କ ଏକମାତ୍ର ପୁଅ ଓମ୍&zwnj; (୮) ଥାଲାସେମିଆରେ ରୋଗରେ ପୀଡ଼ିତ ଥିଲେ। ପ୍ରତି ମାସରେ ଥରେ ତାଙ୍କୁ ରକ୍ତ ଦିଆଯାଉଥିଲା।</p> <p>ଗତ ସୋମବାର ଦିନ ତାଙ୍କ ଅବସ୍ଥା ଗୁରୁତର ହୋଇଥିଲା। ପ୍ରଦୀପ ଓ ପ୍ରଭାତି ତାଙ୍କୁ କଟକ ବଡ଼ ଡାକ୍ତରଖାନା ନେଇଥିଲେ। ସେଠାରେ ତାଙ୍କୁ ଆଇସିୟୁରେ ରଖାଯାଇଥିଲା। ତେବେ ଚିକିତ୍ସାଧୀନ ଅବସ୍ଥାରେ ଓମ୍&zwnj;ଙ୍କ ମୃତ୍ୟୁ ହୋଇଥିଲା।</p> <p>ପୁଅର ମୃତ୍ୟୁରେ ମ୍ରିୟମାଣ ହୋଇ ବୁଧବାର ଦିନ ଉଭୟ ପ୍ରଦୀପ ଓ ପ୍ରଭାତି ବିଷ ପିଇ ଦେଇଥିଲେ।</p> <p>ସେମାନେ ବିଳମ୍ୱିତ ସମୟ ଯାଏ ଘର କବାଟ ନ ଖୋଲିବାରୁ ପରିବାର ଲୋକେ କବାଟ ଭାଙ୍ଗି ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ। ସେମାନଙ୍କୁ ଡାକ୍ତରଖାନା ନିଆଯାଇଥିଲା। ତେବେ ଡାକ୍ତର ସେଠାରେ ଉଭୟଙ୍କୁ ମୃତ ଘୋଷଣା କରିଥିଲେ।</p> <p>ପୁଲିସ୍&zwnj; ଏନେଇ ଏକ ଅପମୃତ୍ୟୁ ମାମଲା ରୁଜୁ କରିଛି।</p>